Amal 80% maładych biełarusaŭ zadavolenyja svaim žyćciom. Takija danyja sacdaśledavańnia pryvioŭ namieśnik staršyni Minharvykankama Ihar Karpienka na haradskim sieminary, pryśviečanym ideałahičnym zabieśpiačeńni sacyjalna-ekanamičnaha raźvićcia Minska.
«Zhodna z vynikami sacyjałahičnych daśledavańniaŭ, jakija pravodziŭ Infarmacyjna-analityčny centr pry administracyi prezidenta Respubliki Biełaruś, bolšaść maładych ludziej (79,5%) zadavolenyja svaim žyćciom. Siarod prablem, jakija vyklikajuć niepakoj, moładź nazyvaje materyjalnyja ciažkaści — 42,5%, raspaŭsiudžvańnie pjanstva i narkamanii — 42,5%, prablemy z pracaŭładkavańniem — 36%, nizkuju zabiaśpiečanaść žyllom — 36%, nizki ŭzrovień kultury nasielnictva — 26%», — skazaŭ Ihar Karpienka.
U Minsku pražyvajuć bolš za 571 tys. maładych ludziej va ŭzroście ad 14 da 31 hoda, što składaje prykładna 30% ad ahulnaj kolkaści žycharoŭ stalicy. «I ŭ horadzie robicca ŭsio mahčymaje, kab kožny małady čałaviek moh realizavać siabie na vytvorčaści, u biźniesie, navucy, mastactvie, kab kožny małady hramadzianin mieŭ mahčymaść vybaru svajho žyćciovaha šlachu, raźvićcia patencyjału, moh prymać aktyŭny ŭdzieł u žyćci respubliki», — padkreśliŭ Ihar Karpienka.
Namieśnik staršyni adznačyŭ, što ŭ Biełarusi skłałasia cełasnaja sistema harantyj dla moładzi. U jaje ŭvachodziać mahčymaść atrymańnia adukacyi za biudžetnyja srodki, pradastaŭleńnie pieršaha pracoŭnaha miesca, sistema dapamoh, jakija stymulujuć imknieńnie maładych ludziej stvaryć siamju, jakija ŭmacoŭvajuć prestyž šmatdzietnaj siamji.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?14
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary