«Cytadel» arhanizavała statusnuju prezientacyju chvalebnaj knihi Iofe pra Łukašenku
13 studzienia ŭ statusnym miescy — u Nacyjanalnaj biblijatecy — adbyłasia prezientacyja knihi prafiesara Redfardskaha ŭniviersiteta (ZŠA) Ryhora Iofie «Pieraacenka Łukašenki: Biełaruś u kulturnym i hieapalityčnym kantekście» (Reassessing Lukashenka).
Jak havorycca ŭ pres-relizie na sajcie »Cytadeli», kniha źmiaščaje «razvahi amierykanskaha navukoŭca pra hieapalityčny los biełaruskaj dziaržavy na asnovie šerahu intervju aŭtara z Prezidentam Respubliki Biełaruś Alaksandram Ryhoravičam Łukašenkam».
Jak paviedamlajecca, «mierapryjemstva było arhanizavana kamandaj prajekta «Cytadel» ad asoby ustanovy «Ekanamičny polus» u ramkach čaćviortaha pasiadžeńnia intelektualnaha biźnies-kłuba».
Na prezientacyi prysutničali vysokija słužbovyja asoby: ministr infarmacyi Lilija Ananič, staršynia Pastajannaj kamisii Pałaty Pradstaŭnikoŭ pa mižnarodnych spravach Mikałaj Samasiejka. U mierapryjemstvie taksama pryniali ŭdzieł supracoŭniki biełaruskaha MZS, IAC pry Administracyi Prezidenta, dypłamaty Pradstaŭnictva Jeŭrapiejskaha Sajuza, pasolstvaŭ Polščy, Rasijskaj Fiederacyi, Ukrainy.
Prysutničali taksama analityki-łukašenkaŭcy. Siarod ich kiraŭnik Centra pa prablemach jeŭrapiejskaj intehracyi Juryj Šaŭcoŭ, hałoŭny redaktar časopisa Administracyi Prezidenta «Biełaruskaja Dumka» Vadzim Hihin, načalnik Upraŭleńnia ekanamičnych intehracyjnych prahram Ministerstva ekanomiki Alaksiej Macaviła, dyrektar Centra stratehičnych i źniešniepalityčnych daśledavańniaŭ Arsienij Sivicki, doktar fiłasofskich navuk Leŭ Kryštapovič.
U svaim vystupie prafiesar Iofie adznačyŭ, što jon intervjujavaŭ Łukašenku «dvojčy ŭ ahulnaj kolkaści na praciahu siami hadzin: spačatku try hadziny ŭ červieni 2011 hoda, potym čatyry hadziny ŭ lipieni 2014 hoda. Hetyja razmovy ź im pakinuli mocnyja ŭražańni».
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary