U Minsku na Kirava, 6 kaliści była krama «Gloria Jeans». Ale źnikła. Vidać, rasiejski brend nie pratrymaŭsia na našym rynku. Składanaści ŭźnikajuć i ŭ Rasii. Jak siońnia žyviecca rasiejskim kampanijam, jakija zajmajucca modaj?
Fota: Dźmitryj Śmirnoŭ/Snob.ru
Ułaśnik «Gloria Jeans» Uładzimir Mielnikaŭ (darečy, jon naradziŭsia ŭ Biełarusi, a dakładniej — u Pastavach) vyrašyŭ pieravieści hałoŭny ofis kampanii z Rastova-na-Donie ŭ Hankonh.
U intervju žurnalistcy i televiadučaj Ksienii Sabčak, jakoje apublikavana na sajcie Snob.ru, Mielnikaŭ zajaviŭ, što na fonie apošnich padziej, źviazanych z Krymam i Ukrainaj, jon atrymlivaje roznyja listy, aŭtary jakich patrabujuć prybrać zamiežnyja nazvy z džynsaŭ.
«Mnie ŭžo napisali list. «My ad usiaho Krasnadarskaha kraju patrabujem: prybiarycie zamiežnyja nazvy sa svaich kašulek i džynsaŭ, tamu što my chočam bačyć ruskaje», — raspavioŭ Mielnikaŭ. I dadaŭ, što na takija prośby jon ničoha nie adkazvaje.
«Ja nie patryjot. Patryjatyzm — apošni prytułak niahodnikaŭ, — dadaŭ biźniesmien. — Dumaju, u 2015 hodzie my pierajedziem. Centralny ofis źjedzie z hetaj krainy».
Kamientujučy situacyju vakoł zavodaŭ u Danieckaj i Łuhanskaj abłaściach, biznesmen skazaŭ, što ich «bandyty zachapili».
Kampanija «Gloria Jeans» była zasnavana ŭ 1998 hodzie ŭ Rastovie-na-Donie. Piać pradpryjemstvaŭ znachodziacca ŭ Vałhahradskaj vobłaści, jašče 21 — u Rastoŭskaj. Akramia hetaha, jašče adna fabryka raźmiaščajecca ŭ Kabardzina-Bałkaryi. Što tyčycca zamiežnych zavodaŭ, vosiem ź ich znachodziacca ŭ Łuhanskaj vobłaści i jašče adzin — u Danieckaj. Na kaniec minułaha hoda ŭ «Gloria Jeans» było zvyš 600 handlovych punktaŭ.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy11
Kamientary