SBU: U Charkavie 22 lutaha rychtavaŭsia šerah terarystyčnych aktaŭ
Słužba biaśpieki Ukrainy (SBU) zatrymała padazravanych u arhanizacyi siońniašniaha teraktu ŭ Charkavie na akcyi da hadaviny Jevromajdanu. Pra heta ŭ svaim Facebook paviedamiŭ daradca kiraŭnika SBU Markijan Łubkiŭski.
«Słužba biaśpieki Ukrainy zatrymała čatyroch čałaviek, jakija mohuć być datyčnyja da padrychtoŭki i ździajśnieńnia złačynstvaŭ terarystyčnaj nakiravanaści ŭ Charkavie.
Niepasredna na miescy złačynstva pracujuć śpiecyjalisty SBU, MUS, pradstaŭniki prakuratury. Ažyćciaŭlajucca nieadkładnyja śledčyja dziejańni.
Chaču paviedamić, što ŭ Charkavie 22 lutaha rychtavaŭsia šerah terarystyčnych aktaŭ.
U pryvatnaści, u Charkaŭskaj vobłaści ŭdałosia praduchilić terarystyčny akt, za jakimi staić terarystyčnaja arhanizacyja «Charkaŭskija partyzany».
Schoplenyja padčas sproby ździejśnić złačynstva čaćviora čałaviek, jakija rychtavali abstreł z reaktyŭnaha piachotnaha ahniamiota «Čmiel» kłuba, dzie časta źbirajucca voiny ATA i vałanciory, a taksama adnaho z handlovych centraŭ horada. Płanavalisia i inšyja dyviersijnyja i terarystyčnyja mierapryjemstvy.
Kanfiskavany «Čmiel» — rasijskaj vytvorčaści. Pa śviedčańniach zatrymanych, jon byŭ atrymany kiraŭnikom hrupy ŭ Biełharadzie (Rasija).
U suviazi z vybucham i sprobami ździejśnić inšyja terarystyčnyja akty, Słužba biaśpieki Ukrainy abviaściła najvyšejšy ŭzrovień antyterarystyčnaj hatoŭnaści ŭ Charkavie.
Siłavikami ŭ ciesnym uzajemadziejańni pravodziacca ekstranyja i šyrokamaštabnyja kontrterarystyčnyja mierapryjemstvy».
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary