Novyja nazvy prypynkaŭ hramadskaha transpartu ŭžo pryniatyja.
Poŭny śpis novych nazvaŭ, što ŭstupajuć u siłu 1 krasavika 2015 hoda, pryvodzić «Minsk-naviny».
Pieravažna pierajmienavanyja buduć «standartnyja» nazvy — prypynki atrymajuć bolš aryhinalnyja i paznavalnyja imiony.
«Haražy» stanuć «Krasnaj Słabadoj», «Katedžy» nabuduć imia Kandrata Krapivy, «Kafe «Dyjałoh» budzie zvacca «Jabłynievym sadam», a «AŭtaVAZ» — «Słuckim haścincam».
Taksama buduć rasšyfravanyja niekatoryja abrevijatury. Naprykład, «MPZ» stanie «Padšypnikavym zavodam», a «ŽBI» — «Zavodam žalezabietonnych vyrabaŭ». Prypynak «Vadaschovišča» budzie ŭdakładnieny: «Čyžoŭskaje vadaschovišča». «Rynak» pieratvorycca ŭ «11 balnicu», «Kacielnia» — u «Instytut chimii novych materyjałaŭ».
Dla pierajmienavańnia abranaja dosyć niezvyčajnaja data — 1 krasavika.
U hety dzień u postsavieckich krainach, ZŠA, Kanadzie, Vialikabrytanii, Aŭstralii, Bałharyi i mnohich inšych krainach adznačajecca Dzień durnia albo Dzień śmiechu.
U hety dzień pryniata žartavać ź siabroŭ i ludziej navokał. Naprykład, padčas Pieršaj suśvietnaj vajny 1 krasavika 1915 hoda francuzy skinuli na niamiecki łahier draŭlanuju bombu, na Dzień durnia ŭ 1957 hodzie BBC paviedamiła pra rekordny ŭradžaj makarony, a ŭ 2013 hodzie Google razyhraŭ karystalnikaŭ prezientacyjaj kibiernietyčnaha nosa dla smartfonaŭ.
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA26
Kamientary