«Biahun pa lazie» vierniecca z Charysanam Fordam u hałoŭnaj roli
Sikvieł kultavaha kibierpank-bajevika pačnie zdymacca ŭ 2016 hodzie.
Blizkija da zaviaršeńnia pieramovy z aktoram Charysanam Fordam nakont jaho ŭdziełu ŭ novym «Biehunie pa lazie», pieradaje Variety. Pradstaŭniki kampanii, što zojmiecca zdymkami, užo kažuć, što «Charysan z nami».
«My stvorym adnaznačna mahutny sikvieł adnoha z samych viadomych filmaŭ u śviecie», — zajaŭlajuć kiniematahrafisty.
Režysior aryhinalnaha «Błejd-raniera» Rydli Skot vystupić u novaj stužcy ŭ jakaści pradziusara. Taksama zdymacca ŭ filmie budzie aktor Deni Vilnioŭ. Pa źviestkach Variety, dziejańnie sikviełu razharniecca praź niekalki dziesiacihodździaŭ paśla aryhinalnaha filmu.
***
«Biahun pa lazie» vyjšaŭ u prakat u 1982 hodzie. Pavodle siužetu, zasnavanaha na ramanie «Ci mrojać androidy pra elektraaviec?», u 2019 hodzie čałaviectva padzielenaje na «naturalnych ludziej» i kibarhaŭ-raboŭ. Kibarhi musiać pamirać praz 4 hady pracy, ale niekatoryja ź ich paźbiahajuć taho — na takich palujuć «błejd-raniery» albo «biehuny pa lazie».
Na momant vychadu film krytykavaŭsia za «nudny» temp i nienaturalny chepi-end. «Biahun pa lazie» pravaliŭsia ŭ prakacie. Ale film staŭ kultavym, jaho vizualny styl mocna paŭpłyvaŭ na nastupnyja tvory ŭ žanrach navukovaj fantastyki i kibierpanku. U 1992 hodzie vyjšła režysiorskaja viersija ź nieadnaznačnym adrytym finałam, jana była acenienaja krytykami značna vyšej.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami35
Kamientary