Milicyja patrabuje ad fatohrafa Uładzia Hrydzina viarnucca ŭ pastarunak
Ź im, nibyta, choča pahavaryć načalnik Zavodskaha RUUS.
Fotakarespandent Uładź Hrydzin byŭ zatrymany siońnia ŭ sudzie Zavodskaha rajona Minska. Jak paviedamlałasia, tam ciapier prachodzić praces nad Dzianisam Zamiatalinym, synam viadomaha biełaruskaha čynoŭnika i ideołaha Uładzimira Zamiatalina. Infarmacyja pra zatrymańnie była supiarečlivaja. Jeŭraradyjo datelefanavałasia da Uładzia, kab daviedacca padrabiaznaści pra zdareńnie.
«Mianie abvinavacili ŭ tym, što ja nibyta sfatahrafavaŭ kanvoj. Ale hetaha nie było, ja zrabiŭ tolki niekalki kantrolnych kadraŭ u zali, tam jašče navat nie pačałosia pasiedžańnie na toj momant», — raskazvaje Uładź Hrydzin.
Fatohrafa spačatku zavieźli ŭ Zavodski RUUS, potym adpuścili. Adnak praź niekatory čas milicyjanty pazvanili iznoŭ:
«Nastojliva nazvońvajuć. Prosiać viarnucca ŭ RUUS. Nibyta, sa mnoj choča pahavaryć asabista načalnik. Ja pakul nie viedaju, ci pajedu. Zaraz znachodžusia ŭ redakcyi. Prymaju rašeńnie», — havoryć Hrydzin.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary