Karysny śpis kramaŭ składaje «Mova nanova». Prapanavać dadatkovyja miescy možna praz e-mail: [email protected].
Na sajcie «Mova Nanova» źbirajecca śpis kramaŭ i anłajn-mahazinaŭ, u jakich možna nabyć ci zamović biełaruskuju vyšyvanku, a taksama rečy ŭ nacyjanalnym styli ci z nacyjanalnaj simvolikaj. Na momant publikacyi śpis naličvaje 25 miescaŭ.
U śpisie nie tolki viadomyja brendy kštałtu Honar, LSTR i Symbal.by, ale i staronki ŭ sacsietkach dy «afłajnavyja» punkty prodažu, a taksama kantakty pryvatnych majstroŭ.
Dadajucca jak minskija, tak i rehijanalnyja dy navat zamiežnyja kramy.
Aŭtary śpisu prapanujuć dadavać svaje punkty — dasyłać infarmacyju prosiać na adras [email protected].
Napiaredadni składańnia śpisu vypuskniki moŭnych kursaŭ «Mova nanova» źniali matyvacyjnaje videa pra vyšyvanki — «modu, jakaja jadnaje».
«Heta inicyjatyva studentaŭ «Mova nanova», — raspaviadaje Hleb Łabadzienka. — Naš słuchač Maksim Umiecki zachacieŭ stvaryć videarolik, dzie jon ź inšymi studentami fatahrafujecca ŭ vyšyvankach, tudy ža dadali kadry ad inšych naviednikaŭ kursaŭ».
A ź idei videa paŭstała ideja śpisu, kaža jon: «U nas na kursach časta pytajuć, dzie nabyć, dzie ŭziać vyšyvanki. Śpiecyjalna ŭvieś čas zaprašajem ludziej, jakija źjaŭlajucca vytvorcami takoj pradukcyi. Prosta zrazumieli, što naśpieŭ čas sabrać usio ŭ adnym miescy».
«Adzinaja meta, jakuju my pieraśledujem, heta rekłama nacyjanalnaha stylu», — tłumačyć Łabadzienka.
Hladzicie taksama: 16 sajtaŭ, dzie možna nabyć biełaruski padarunak
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary