U niekatorych inšych halinach siaredniaja zarpłata zastajecca na ŭzroŭni 4-5 młn na miesiac.
Nacyjanalny statystyčny kamitet vydaŭ čarhovuju štomiesiačnuju spravazdaču ab siarednich zarobkach u Biełarusi.
Zarpłata supracoŭnikaŭ, čyja dziejnaść źviazanaja z vyličalnaj technikaj, u lutym padskočyła da 31,4 młn rubloŭ, albo 2100 dalaraŭ, na miesiac.
Lutaŭskija zarpłaty IT-šnikaŭ u dva razy vyšejšyja za bližejšych «kankurentaŭ» — adkaznych za dziejnaść pavietranaha transpartu.
U minułym miesiacy siaredniaja zarpłata ŭ halinie składała 23 młn rubloŭ, albo 1500 dalaraŭ, na miesiac. Jak patłumačyli pradstaŭniki haliny sajtu electroname.com, taki rezki skačok zarobkaŭ na tracinu źviazany z vypłatami hadavych bonusaŭ, što pryjšlisia na luty.
Ź inšaha boku, paśla kryzisu śniežnia 2014 hoda IT-kampanii Parka vysokich technałohij dobraachvotna abiacali nie indeksavać zarpłaty supracoŭnikaŭ tolki ŭ śniežni i studzieni.
Siaredniaja zarpłata pa krainie ŭ lutym skłała 6,129 młn rubloŭ, albo 417,5 dalaraŭ, na miesiac.
U niekatorych halinach siaredni zarobak składaje 4-5 młn, zastajucca i prafiesii, dzie siaredniaja zarpłata nižej za 4 młn.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary