Patrabujucca vielmi surjoznyja abstaviny, kab eks-prezident Łatvii (1999—2007) Vajra Vikie-Frejbierha mahła b surjozna ŭzvažyć svaje mahčymaści stać kandydatam na pasadu prezidenta krainy.
Pra heta Vajra Vikie-Frejbierha raspaviała ŭ intervju časopisu Ir, paviedamlaje Delfi.lv.
«Tady jany [abstaviny, pry jakich možna stać kandydatam u prezidenty] pavinny być vielmi surjoznymi. Niama pytańniaŭ nakont ciažkaj pracy, bo dla mianie jašče nie nadyšoŭ čas zasłužanaha adpačynku. Prosta ja hetuju pracu ŭžo rabiła i ciapier praciahvaju na inšym uzroŭni abaraniać intaresy Łatvii «, — patłumačyła eks-prezident.
Tym nie mienš, jana kateharyčna nie admaŭlajecca ad mahčymaści znoŭ stać prezidentam Łatvii. «Heta nie taja pasada, jakaja była b mnie pa dušy. Mnie, zdajecca, što dla mianie heta projdzieny etap. Ale mianie tryvožyć los Łatvii», — adznačyła Vajra Vikie-Frejbierha.
Prezidenta Łatvii abiraje parłamient. Zaraz kožnaja partyja vyłučaje svajho kandydaty. Siońniašni prezident krainy Andrys Bierzińš jašče kančatkova nie vyznačyŭsia, ci vyłučacca. U Łatvii pasada prezidenta nosić zbolšaha simvaličnyja funkcyi.
Kamientary