Da hadaviny teraktu ŭ Minskim mietrapalitenie pryviaduć u paradak pamiatny znak i vystaviać hanarovuju vartu, paviedamiła pres-słužba pradpryjemstva.
fota Siarhieja Bałaja, tut.by
11 krasavika 2011 hoda na stancyi mietro «Kastryčnickaja» byŭ učynieny terakt, jaki zabraŭ žyćci 15 čałaviek. Amal čatyry sotni atrymali ranieńni.
Štohod u hety žałobny dzień ludzi niasuć kvietki da miemaryjalnaha znaka «Raka pamiaci» kala vychadu z padziemnaha pierachodu. «Pryjduć da znaka i supracoŭniki staličnaj padziemki. U našym kalektyvie taksama pamiatajuć pra hetuju trahiedyju i padzialajuć smutak rodnych i blizkich zahinułych, supieražyvajuć paciarpiełym. Ale my nie chočam ich volna ci mižvolna tryvožyć. Chaj usio budzie stroha i ścipła, biez pafasu i niepatrebnych cyrymonij», — adznačyli ŭ pres-słužbie.
Minski mietrapaliten addaść daninu pavahi zahinułym: pryviadzie ŭ paradak pamiatny znak, «da jaho ŭ maŭčańni stanie impravizavanaja hanarovaja varta z supracoŭnikaŭ, da padnožža pomnika lahuć kvietki».
U pres-słužbie padkreślili, što «siońnia ŭ mietrapalitenie robiać usio dla taho, kab nie paŭtaryłasia trahiedyja čatyrochhadovaj daŭnaści».
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?78
Kamientary