«BATE — heta tvar Biełarusi, nadzieja našaha ahulnaha futboła, jaki pamiraje i ŭ jaki my praciahvajem nie vieryć», — zajaviŭ zasłužany artyst Rasii dresiroŭščyk Edhard Zapašny 14 krasavika padčas naviedvańnia minskaj himnazii № 75 u miežach mižnarodnych maładziožnych dabračynnych prajektaŭ «Futboł dla družby» (inicyjatar — sponsar Lihi čempijonaŭ UEFA «Hazprom») i «Lalka» (braty Zapašnyja).
«BATE — heta kłub, za jaki my aŭtamatyčna pačynajem pieražyvać, kali ź jeŭrakubkaŭ vylatajuć rasijskija kamandy. Ale navat kali i nie vylatajuć, my ŭsio adno pieražyvajem za naš bracki kłub, jaki kali-niebudź pavinien stać hroznym sapiernikam u kožnym matčy, a nie ŭ asobnych», — skazaŭ Zapašny.
Pavodle słoŭ dresiroŭščyka, meta jaho ŭdziełu ŭ dabračynnych prajektach «lažyć na pavierchni — prapahanda zdarovaha sposabu žyćcia». «Sport my ŭ lepšym vypadku hladzim pa televizary, tamu admova ad škodnych zvyčak, pravilnyja fizičnyja nahruzki pad nahladam treniera — užo vialiki krok dla tych, chto nikoli hetym nie zajmaŭsia i dumaje, što heta ciažka», — adznačyŭ artyst.
Były hulec biełaruskaj futbolnaj zbornaj Siarhiej Štaniuk, jaki naviedaŭ himnaziju razam z Zapašnym, ličyć važnym pierajmać anhlijski vopyt dabračynnych akcyj u dziciačym i maładziožnym sporcie (u svoj čas hulec vystupaŭ za «Stok Sici»). «Družba ŭ futbole mahčymaja, bo heta tolki na poli my sapierniki, a za jaho miežami chłopcy zvyčajna sustrakajucca», — skazaŭ Štaniuk.
Razam z kamandaj pa futbolnym frystajle LifeStyle pierad navučencami himnazii pad kiraŭnictvam Štaniuka i Zapašnaha vystupili hulcy dziciačaj kamandy BATE, jakaja 4—7 červienia ŭ Bierlinie vystupić u mižnarodnym mini-futbolnym turniry i naviedaje finał Lihi čempijonaŭ na Alimpijskim stadyjonie.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary