Tak prezident prakamientavała infarmacyju ab tym, što Litvu adzinuju z krain — členaŭ ES na ŭračystaściach 9 maja ŭ Maskvie nie budzie pradstaŭlać pasoł.
U sakaviku Dala Hrybaŭskajcie ŭ Kijevie atrymała ŭkrainskuju ŭznaharodu «Čałaviek hoda», jaje ŭručyŭ pieršy prezident krainy Leanid Kraŭčuk, fota z fejsbuka prezidenta Litvy
D. Hrybaŭskajcie padkreśliła, što rašeńnie nie jechać u Maskvu pryniali kiraŭniki bolšaści krain Zachadu, dekłarujučy niazhodu ź dziejańniami Kramla va Ukrainie, a słužbovyja asoby Litvy i ŭ Maskvie, i ŭ Vilni ŭšanujuć pamiać achviar vajny 8 maja.
«My cenim, razumiejem značeńnie zakančeńnia Druhoj suśvietnaj vajny. Ja ŭskładu kvietki ŭ nas, u Litvie. My śviatkujem skančeńnie Druhoj suśvietnaj vajny razam ź Jeŭropaj 8 maja. Hladzieć vajenny parad, padčas jakoha praniasuć i ściah akupavanaha Kryma — ja nie liču, što zaraz heta treba rabić», — skazała prezident žurnalistam u paniadziełak.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud25
Kamientary