Pucin zajaviŭ ab skaračeńni jadziernaha patencyjału Rasii da minimalnaha ŭzroŭniu
Ale i minimalny ŭzrovień dazvalaje hetaj zbrojaj pahražać.
Uładzimir Pucin zajaviŭ u zvarocie da Ahladnaj kanfierencyi pa vykanańni Damovy ab nieraspaŭsiudzie jadziernaj zbroi ab vykanańni Rasijaj usich punktaŭ damovy, pieradaje RIA Novosti.
«My skaracili svoj jadzierny patencyjał da minimalnaha ŭzroŭniu, što źjaŭlajecca značnym unioskam va ŭsieahulnaje i poŭnaje razzbrajeńnie,
— piša Pucin. — Płanujem praciahvać pracu ŭ hetym kirunku, a taksama zachoŭvać raŭnavahu pamiž zasvajeńniem mirnaha atama i ŭmacavańniem režymu nieraspaŭsiudu, u tym liku sistemu harantyj MAHATE».
Kiraŭnik Rasii vykazaŭ spadzieŭ na toje, što ŭsie krainy-ŭdzielniki damovy buduć vykonvać uziatyja na siabie abaviazki, što «stanie važnym faktaram umacavańnia miru, biaśpieki i stabilnaści na ŭsioj płaniecie».
Tym časam hiensakratar AAN Pan Hi Mun asudziŭ vysiłki ZŠA i Rasii pa madernizacyi jadziernaha patencyjału — pavodle jaho słoŭ, heta jość «niebiaśpiečnym viartańniem da myśleńnia časoŭ chałodnaj vajny».
***
Rasija za apošni hod niekalki raz pahražała skarystacca jadziernaj zbrojaj: spačatku ŭskosna praz televiadoŭcu Dźmitryja Kisialova, zatym naŭprost praz pasła ŭ Danii. Pa słovach Pucina, Rasija była hatovaja ŭžyć jadziernuju zbroju padčas uklučeńnia Krymu ŭ svoj skład.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary