Kaśmičnaje pachodžańnie małanak paćvierdžanaje ekśpierymientami
Padobna, što małanki vyklikajuć «daždžy» kaśmičnych pramianioŭ.
Navukoŭcy prajektu LOFAR ekśpierymientalna paćvierdzili hipotezy ab kaśmičnym pachodžańni małanak, pra što jany raspaviadajuć u časopisie Nature.
Dahetul miechanizm uźniknieńnia małanak maje bahata zahadak. Roźnica patencyjałaŭ, što mierkavana vyklikaje małanki, niedastatkovaja, kab zrabić pavietra pravadnikom. Navukoŭcy atrymali dokazy taho, što kaśmičnyja pramiani stvarajuć dastatkovyja dla ŭźniknieńnia małanak umovy.
Ianizavać atmaśfieru dapamahaje vysokaenierhietyčnaje kaśmičnaje vypramieńvańnie. Mienavita pratony i ciažkija jadry, što traplajuć u atmaśfieru z kosmasu, zapuskajuć łancužnuju reakcyju, praź jakuju zaradžanyja čaścinki skiroŭvajucca da Ziamli, vynikaje z daśledavańnia.
Uzajemadziejańnie kaśmičnych čaścinak z mahnitnym polem Ziamli stvaraje chvali, što łoviać radyjoteleskopy prajektu LOFAR.
Časam (752 razy za try hady) navukoŭcy nazirajuć vysokačastotnyja «daždžy» kaśmičnych čaścinak, ad čaho radyjochvali stanoviacca chaatyčnymi. Ekśpierymientalny analiz hetych «kaśmičnych daždžoŭ» pakazaŭ, što jany stvarajuć elektryčnyja pali, dastatkovyja dla ŭźniknieńnia małanak.
Ekśpierymienty prajektu LOFAR paćvierdžvajuć hipotezu ab tym, što kaśmičnyja pramiani jość «tryhieram» małanak. Navukoŭcy źbirajucca nadalej šukać dokazy adnaznačnaj suviazi małanak i intensiŭnaha kaśmičnaha vypramieńvańnia.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary