Kiraŭnik dumskaha kamiteta RF pa pytańniach siamji Alena Mizulina vystupiła suprać viartańnia ŭ kryminalny kodeks pakarańnia za mnahaženstva.
«Uvodzić kryminalnuju adkaznaść za heta niedarečna, tamu što pryčyna nie ŭ adsutnaści kryminalnaha zakona, a ŭ tym, što mužčyn nie chapaje, mahčyma, takich, ź jakimi žančyny chacieli b stvarać siamju i mieć dziaciej», — zajaviła Mizulina.
Pavodle jaje słoŭ, nijakich zakanadaŭčych inicyjatyŭ na hety kont u kamitecie niama. Mizulina dadała, što ŭ vypadku ich źjaŭleńnia budzie vystupać suprać, pakolki mnahaženstva nidzie ŭ Rasii niama, i aficyjna dazvoleny šlub tolki z adnoj asobaj. Pry hetym sužyćcio i šlub pa relihijnych abradach aficyjnymi nie ličacca.
U suviazi z hetym, adznačyła Mizulina, abvinavačvańni ŭ dvajaženstvie ŭ adras načalnika RAUS Nažaj-Jurtaŭskaha rajona Čačni, jaki ažaniŭsia ŭ vychodnyja z 17-hadovaj dziaŭčynaj pry tym, što ŭ jaho ŭžo nibyta jość adna žonka, niasłušnyja.
Pavodle infarmacyi dumskaha kamiteta, ź pieršaj žonkaj mužčyna aficyjna nie raśpisany.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary