Bolš za 2000 katolikaŭ udzielničali ŭ pracesii ŭ centry Minska FOTY
Foty Uładzia Hrydzina, Svaboda.org.
Bolš za dźvie tysiačy katolikaŭ udzielničajuć u pracesii Božaha Cieła, jakaja prachodzić 31 maja na centralnych vulicach Minska. Prapanujem Vašaj uvazie foty Uładzia Hrydzina sa Svaboda.org.
Pracesija Božaha cieła tradycyjna pravodzicca ŭ honar śviata Cieła i Kryvi Chrystovych, jakoje sioleta vypadaje na 4 červienia.
Relihijnaje dziejańnie pačałosia ranišnim nabaženstvam kala kaścioła Najśviaciejšaj Trojcy (Śviatoha Rocha) na vulicy Załataja Horka. Pierad pačatkam nabaženstva mitrapalit Minska-Mahiloŭski arcybiskup Tadevuš Kandrusievič pavinšavaŭ adnaviercaŭ i adznačyŭ, što «ŭ čarhovy raz Jezus Chrystus dazvalaje publična spaviadać svaju vieru» minčanam.
«Siońnia, molačysia ŭ svaich intencyjach, molačysia ŭ intencyi našaha kaścioła ŭ Biełarusi, našaj Minska-Mahiloŭskaj dyjacezii, taksama pamolimsia, kab jeŭcharystyčny Jezus pamnožyŭ našy siły ŭ spaviadańni viery ŭ Śviatuju Trojcu — Boha adzinaha, ale ŭ troch asobach, — skazaŭ jon. — Boha-syna, jaki vyratavaŭ nas, Boha-baćki, jaki ŭ svajoj lubovi pasłaŭ syna na źmialu, i Boha — Śviatoha ducha, jaki abjadnoŭvaje nas, kab my jak adzinaje mistyčnaje cieła Jezusa Chrystusa na hetaj ziamli śćviardžali Boha, jaki źjaŭlajecca našym žyćciovym šlacham».
Pieršaje nabaženstva ŭznačaliŭ apostalski nuncyj u Biełarusi arcybiskup Kłaŭdyja Hudžeroci. Pasoł Vatykana čytaŭ tekst na biełaruskaj movie.
Paśla imšy katalickaja pastva Minska rušyłasia pa praśpiekcie Niezaležnaści, dzie byli śpiecyjalna ŭstanoŭleny ałtary. Za hetymi ałtarami śviatary čytajuć uryŭki ź Jevanhiella i propaviedzi. Vierniki iduć pa tratuarach, kałonu supravadžajuć aŭtamabili DAI, supracoŭniki jakoj pieryjadyčna prypyniajuć ruch transpartu na praśpiekcie, kab udzielniki pracesii zmahli prajści praz učastki prajeznaj častki.
Pieršy ałtar raźmieščany na płoščy Pieramohi kala adnajmiennaha abieliska, druhi — na Kastryčnickaj płoščy, treci — pierad kaściołam Śviatych Symona i Aleny (Čyrvony kaścioł) na płoščy Niezaležnaści.
Maršrut zamykaje čaćviorty ałtar kala archikafiedralnaha kaścioła Najśviaciejšaj Panny Maryi na płoščy Svabody.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary