Kancern «Ałmaz-Antej», jaki zajmajecca vytvorčaściu zienitnych rakietnych kompleksaŭ «Buk», na svajoj prezientacyi, dzie śćviardžałasia, što «Boinh» «Małazijskich avijalinij» byŭ źbity mienavita ŭkrainskaj ustanoŭkaj, vykarystaŭ padrychtavanyja Minabarony zdymki, piša ŭ svaim tvitery ŭ aŭtorak zasnavalnik ahienctva rasśledavańniaŭ Bellingcat Elijat Chihins. Mienavita heta ahienctva raniej padrychtavała spravazdaču, u jakim kazałasia pra padrobku vyjavaŭ.
Vyjavy, padrychtavanyja rasijskim ministerstvam abarony, jak raniej dakazvała ahienctva, byli adredahavanyja. Analiz zdymkaŭ tady pakazaŭ, što byli vydzielenyja vobłaści, dzie značna adroźnivaŭsia ŭzrovień pamyłak. Akramia taho, niekatoryja zdymki byli zroblenyja i naohuł da krušeńnia «Boinha».
2 červienia kancern «Ałmaz-Antej» pravioŭ pres-kanfierencyju, dzie kazałasia, što «Boinh», jaki paciarpieŭ krušeńnie ŭ niebie nad Danbasam ŭ lipieni 2014 hoda, byŭ źbity z ukrainskaha «Buka». Niahledziačy na toje, što kancernu ŭdałosia ŭstanavić, jakoj rakietaj byŭ źbity samalot, kampanija nie moža adkazać na pytańnie, jakoj krainie jana naležała.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik33
Kamientary