HP pradstavić kampjutar z pryncypova novaj pamiaćciu
Padziełu na apieratyŭnuju i ŭnutranuju pamiać nie budzie.
Kampanija Hewlett-Packard pradstavić u 2016 hodzie pryncypova novy kampjutar, stvorany ŭ miežach prajektu Machine, pieradaje PC World z kanfierencyi HP Discover u Łas-Viehasie, ZŠA.
Pierachod na novuju architekturu pamiaci dazvolić u šmat razoŭ pavialičyć jak chutkaść pracy, tak i enierhaefiektyŭnaść, śćviardžaje HP. Asnoŭnym elemientam novaha typu pamiaci stanuć miemrystary.
Pakul technałohija pamiaci na miemrystrach (pasiŭnych elemientach, zdolnych mianiać supraciŭleńnie ŭ zaležnaści ad zaradu, što praciakaje praź ich) znachodzicca ŭ raspracoŭcy.
U 2016 hodzie HP abiacaje pradstavić pratatyp supierkampjutara The Machine sa zvyčajnaj pamiaćciu pa technałohii DRAM, ale pryncypam pracy, jak z pamiaćciu na miemrystarach. Heta nie daść rostu enierhaefiektyŭnaści ci chutkaści pracy, ale dazvolić partnioram kampanii pačać raspracoŭvać prahramy pad novy typ pamiaci.
Pa słovach pradstaŭnikoŭ HP, supierkampjutar pamieram z chaładzilnik zmoža zamianić ceły data-centr. Ale kali taki kampjutar źjavicca na rynku, nieviadoma.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary