Cišotki z vyjavami Stalina i «vietlivych ludziej» pradajuć u Viciebsku
Adzieńnie z rasijskimi i savieckimi pryntami dastupnaje na rynkach Viciebska, paviedamlaje žycharka horada Nastaśsia Piluhina (na fota).
Na viciebskich kirmašach 7 handlovych łavak zajmajucca prodažam cišotak z pryntami prarasiejskaj i savieckaj tematyki.
Sakołki z vyjavami Pucina, Stalina i tak zvanych «vietlivych ludziej» byli zaŭvažany na Połackim i Smalenskim rynkach Viciebska. Pastaŭki viaducca z Maskvy. U peŭnych šapikach prysutničajuć paviedamleńni ab tym, što tavar nie siertyfikavany. Cana sakołak vahajecca ad 150 da 290 tysiač biełaruskich rubloŭ.
Čamu handlary nie pradajuć sakołak na biełaruskuju tematyku?
Pad sakołkami biełaruskaje tematyki bolšaść handlaroŭ razumieła vyjavy Alaksandra Łukašenki, za jakija, pa ich mierkavańni, možna patrapić za kraty. Prapanovu pradavać vyšymajki handlary sustrakali admoŭna, tłumačyŭšy što najaŭny asartymient ich zadavalniaje.
Adzieńnie z rasijskimi šavinistyčnymi pryntami dastupnaje na aptovych rynkach u Rasii. Adtul jano traplaje ŭ Biełaruś. Miž tym miechanizm aptovaha prodažu adzieńnia ź biełaruskaj simvolikaj dla drobnych handlaroŭ nie naładžany.
Kamientary