Minsielhascharč źmianiŭ staŭleńnie da zabarony ekspartu pšanicy z Rasiei
Ministerstva rasceńvaje rašeńnie Rasiei ab časovaj zabaronie ekspartu pšanicy jak niepravamocnaje. Biełaruskaje Ministerstva zamiežnych spraŭ nakiravała ŭ rasiejski MZS adpaviednuju notu.
Na dumku namieśnicy ministra sielskaj haspadarki i charču Nadziei Katkaviec, 18 lutaha Minekanomraźvićcia Rasiei pryniała adnabakovaje rašeńnie ab časovym prypynieńni pastavak pšanicy ŭ Biełaruś, parušyŭšy pry hetym miždziaržaŭnyja damoŭlenaści. «Jość damova ab tym, što ŭmovy haspadarańnia dla Biełarusi i Rasiei pavinny być adnolkavymi. Kali adna z krainaŭ Sajuznaj dziaržavy prymaje peŭnaje rašeńnie, to jaho treba ŭzhadniać», — padkreśliła N. Katkaviec. Biełaruskaje Ministerstva zamiežnych spraŭ nakiravała ŭ rasiejski MZS adpaviednuju notu ab niepravamocnaści takoha rašeńnia ŭ adnosinach Biełarusi.
Nahadajem, što 18 lutaha ŭrad Rasiei ŭvioŭ zabaronu na ekspart pšanicy i miaślinu (žytniova‑pšaničnaj sumiesi) ŭ krainy, jakija ŭvachodziać u Mytny sajuz, heta značyć u Biełaruś i Kazachstan. Pastanova, padpisanaja rasiejskim premjer‑ministram Viktaram Zubkovym, ustupić ŭ siłu praź miesiac ad dnia jaje aficyjnaha apublikavańnia i budzie dziejničać da 30 krasavika ŭklučna.
Hety krok zrobleny dla taho, kab rasiejskaje ziernie nie ekspartavałasia cieraz krainy Mytnaha sajuzu biaz vypłaty ekspartnaha myta, uviedzienaha Rasiejaj.
Nieŭzabavie paśla ŭviadzieńnia časovaj zabarony Minsielhascharču Biełarusi vystupiŭ z nastupnaj zajavaj: «My z razumieńniem stavimsia da rašeńnia ŭradu Rasiei. Dla Biełarusi hetaja zabarona nie źjaŭlajecca krytyčnaj, bo my zabiaśpiečanyja svaim zierniem, i dola impartu niaznačnaja». Pavodle pradstaŭnika ministerstva, Rasieja — nie adzinaja krynica pastavak pšanicy, Biełaruś nabyvaje jaje taksama ŭ Kazachstanie i Ŭkrainie.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary