17 kastryčnika na najbujniejšym u Finlandyi šoukiejs-fiestyvali LostInMusic vystupiać biełaruskija prajekty Shuma, SuperBesse i Mustelide. Jany stanuć pieršymi pradstaŭnikami Biełarusi ŭ historyi hetaha mierapryjemstva.
Fiestyval Lost In Music adbyvajecca na kłubnych placoŭkach horada Tampiere z 2007 hoda i paśpieŭ stać adnym z hałoŭnych mierapryjemstvaŭ takoha kštałtu ŭ krainach Skandynavii. Kožny hod fest źbiraje bolš za 15 tysiač hledačoŭ i bolš za 100 artystaŭ. Nakancerty taksama prychodziać delehaty prachodziačaj u hetyja ž dni muzyčnaj kanfierencyi Music & Media, na jakuju pryjazdžaje bolš za 500 pradstaŭnikoŭ šoŭbiznesu Finlandyi i bolš za 100 śpiecyjalistaŭ ź dziasiatkaŭ krain Jeŭropy i śvietu, u tym liku šukajučych novyja imiony menedžeraŭ, pradstaŭnikoŭ łejbłaŭ dy fiestyvalaŭ.
Biełaruś u hetym hodzie ŭpieršyniu prymaje ŭdzieł u abodvuch mierapryjemstvach. U miežach zajavačnaj kampanii, jakaja adbyvałasia pry padtrymcy prajekta Experty.by, arhanizatary Lost In Music atrymali ź Biełarusi 94 zajaŭki. Bolš pryjšło tolki ź Finlandyi. Pa vynikach dla vystupa ŭ miežach admysłovaha biełaruskaha kanferta-šoŭkiejsa byli abranyja fołk-elektronščyki Shuma, sint-rokiery Super Besse dy indzi-elektronny prajekt Mustelide. Aproč vystupa ich menedžery buduć mieć mahčymaść taksama ŭziać udzieł u kanfierencyi Music & Media.
– Usie try artysty sapraŭdy jakasnyja i ja vielmi chaču ich pabačyć na kancercie. Ja by skazaŭ, što biełaruskaja muzyka maje vielmi svojeasablivuju mistyku i miełancholiju. Asabliva spadabałasia spałučeńnie tradycyjnaj biełaruskaj muzyki i sučasnaha hučańnia ŭ Shuma. Mnie budzie cikava pahladzieć, jak na hetuju muzyku adreahuje finskaja publika, – kaža Fieniks Uiłama, bukinh-ahient fiestyvalu Lost In Music. – U apošnija hady da nas pryjazdžaje ŭsio bolš cikavych artystaŭ z krain Bałtyi, tamu my spadziajemsia, što i biełaruskaja muzyka atrymaje tut bolš uvahi.
Fiestyval Lost In Music i kanfierencyja Music & Media adbuducca z 14 pa 17 kastryčnika. Adziny kvitok dla hledačoŭ na ŭsie kancerty čatyroch dzion kaštuje 28,5 jeŭra, nabyć jaho možna na sajcie Tiketti.fi.
Prajekt Experty.by taksama pradstaŭlaje ŭ Biełarusi šoŭkiejs-fiestyvali MENT Ljubjana (Słavienija), kudy biełaruskija artysty mohuć padać zajaŭku da 14 vieraśnia, i Moscow Music Week, jaki adbudziecca z 10 da 13 vieraśnia. Na jaho ad Biełarusi pojeduć: Navi, Nizkiz, «Bolšaja Miedviedica», Cherny, Awlnight, Gran+.
Kamientary