Palityk Aleś Michalevič, što siońnia viarnuŭsia ŭ Biełaruś paśla bolš čym čatyroch hadoŭ vymušanaj emihracyi, viečaram pryjechaŭ u Minsk.
Alesia sustreli kala dvaccaci žurnalistaŭ, a potym jon daŭ nievialikuju pres-kanfierencyju na ofisie ruchu «Za svabodu».
***
Nahadajem, što Aleś Michalevič, jak bolšaść inšych kandydataŭ u prezidenty na vybarach-2010, byŭ zatrymany ŭ noč na 20 śniežnia 2010 h. 19 lutaha 2011 hoda jaho adpuścili sa śledčaha izalatara KDB pad padpisku ab niavyjeździe, a 28-ha jon arhanizavaŭ pres-kanfierencyju, na jakoj raskazaŭ pra katavańni ŭ SIZA.
U sakaviku 2011 hoda Michalevič tajna vyjechaŭ ź Biełarusi, rastłumačyŭšy heta pahrozaj «realnaj fizičnaj raspravy», i praź niekalki tydniaŭ atrymaŭ palityčny prytułak u Čechii.
Siońnia ranicaj jon viartaŭsia ŭ Biełaruś ciahnikom Vilnia — Minsk i byŭ zatrymany ŭ Hudahai pamiežnikami jak asoba, što znachodzicca ŭ nacyjanalnym vyšuku. Pamiežniki pieradali Alesia supracoŭnikam milicyi.
Michaleviča adpuścili dniom pad padpisku ab niavyjeździe, choć jon nie padpisvaŭ nijakich dakumientaŭ. Pavodle słoŭ Michaleviča, heta pieršy prykład u historyi jurysprudencyi Biełarusi, kali pad padpisku ab niavyjeździe byŭ adpuščany čałaviek, jaki jaje nie padpisvaŭ. Pry hetym supracoŭniki RAUS nie paviedamili Michaleviču pra mahčymyja nastupstvy admovy ad padpiski.
Pa Alesia ŭ Astraviec vyjechali siabry i zabrali jaho ŭ Minsk.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary