Parašenka: Zachad nie daŭ Ukrainie zbroju, bo bajaŭsia, što zbroja adrazu ž apyniecca ŭ Rasii
Va ŭkrainskaj armii ŭzoru siaredziny minułaha hoda było mnostva ahientaŭ Kramla. Heta, a taksama karumpavanaść kamandavańnia Uzbrojenych Sił Ukrainy byli adnymi z pryčyn taho, čamu Zachad nie padtrymaŭ Kijeŭ pastaŭkami sučasnych uzbrajeńniaŭ.
Pra heta prezident Piotr Parašenka raspavioŭ u intervju «Hołasu Amieryki» na telekanale «UΛ: Pieršij», dadaŭšy, što, na dumku zachodnich naziralnikaŭ, u 2014 hodzie va Ukrainie faktyčna «nie było» armii.
«Hod tamu my nie mieli siabroŭ, nam nichto nie daviaraŭ. Ja zaraz mahu raskryć situacyju, kali ja zaprasiŭ našych amierykanskich i jeŭrapiejskich partnioraŭ akazać nam vajennuju dapamohu, ja byŭ šakavany jak prezident, pačuŭšy adkaz: nie, my vam nie možam dapamahčy», — skazaŭ jon.
Siarod hałoŭnych pryčyn admovy pastaŭlać VSU zbroju prezidentu byli nazvanyja try. Asnoŭnaja — toje, što «va Ukrainie niama armii». A tyja padraździaleńni, jakija mieŭ Kijeŭ na pačatak vajny ŭ Danbasie, byli «infiltravanyja ahientami Rasii». Pa słovach Parašenki, na Zachadzie aścierahalisia, što zbroja, pieradadzienaja Kijevu, «adrazu ž apyniecca ŭ Rasii».
Taksama, sa słoŭ ukrainskaha lidara, pryčynaj admovy była karumpavanaść vajskoŭcaŭ.
Nahadajem, raniej Parašenka patrabavaŭ ad krain Zachadu 1240 procitankavych kompleksaŭ FGM-148 Džavielin — pa kolkaści jadziernych bojehałovak, ad jakich Ukraina pazbaviłasia, padpisaŭšy ŭ 1994 hodzie Budapiešcki miemarandum.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary