Supracoŭniki Ŭpraŭleńnia KDB pa Viciebskaj vobłaści viaduć śledztva pa daručeńni respublikanskaj prakuratury, u jakuju sa skarhaj na dziejańni RNIE ŭ Viciebsku źviarnuŭsia Leanid Levin — kiraŭnik Sajuzu biełaruskich jaŭrejskich arhanizacyj i hramadaŭ.
Dniami va Ŭpraŭleńnie KDB Viciebskaj vobłaści byli vyklikanyja Ŭładzimier Bazan, redaktar niezarehistravanaha vydańnia «Kuŕjer iz Vitiebska», i Barys Chamajda, adziny ŭ horadzie raspaŭsiudnik niedziaržaŭnaj presy.
Vyśvietliłasia, što supracoŭniki orhanaŭ dziaržbiaśpieki zacikavilisia listami z pahrozami ad viciebskaha adździaleńnia «Rasiejskaha nacyjanalnaha adzinstva», jakija Bazan i Chamajda atrymali sioleta na pačatku studzienia .
Takija ž pasłańni ad imia RNIE jany atrymlivali i raniej. Dva hady tamu Ŭładzimiru Bazanu, jaki tady byŭ redaktaram niedziaržaŭnaj hazety «Vitiebskij kuŕjer», nacysty pahražali raspravaj za publikacyju niekatorych artykułaŭ. Barysu Chamajdu i jašče traim siabram KCHP BNF pahrozy ad RNIE pryjšli letaś u lipieni.
Usiaho na praciahu dvuch apošnich hadoŭ listy ad RNIE atrymali siem viciebskich aktyvistaŭ, siarod jakich akazałasia zahadčyca litaraturaj dziciačaha lalečnaha teatru Viktoryja Daškievič. Piaciora adrasataŭ RNIE źviartalisia sa skarhami ŭ prakuraturu, adnak biezvynikova.
Alena Zaleskaja, na toj čas (lipień 2006 h.) kiraŭnica Vciebskaj haradzkoj arhanizacyi Abjadnanaj hramadzianskaj partyi, napisała skarhu ŭ KDB i nieŭzabavie atrymała adkaz za podpisam načalnika ŭpraŭleńnia KDB pa Viciebskaj vobłaści Ŭładzimira Paleščuka. U adkazie havaryłasia, što «arhanizacyja Rasiejskaje nacyjanalnaje adzinstva na ŭliku ŭ Ministerstvie justycyi i ŭpraŭleńni justycyi Viciebskaha abłvykankamu nie staić», i što «asobaŭ, jakija ličać siabie prychilnikami farmavańnia RNIE, na terytoryi Viciebskaj vobłaści nia vyjaŭlena».
Ciapier supracoŭniki Ŭpraŭleńnia KDB pa Viciebskaj vobłaści viaduć śledztva pa daručeńni respublikanskaj prakuratury, u jakuju sa skarhaj na dziejańni RNIE ŭ Viciebsku źviarnuŭsia Leanid Levin — kiraŭnik Sajuzu biełaruskich jaŭrejskich arhanizacyj i hramadaŭ.
Kamientary