Lavon Volski daŭ kancert u pierachodzie ŭ centry Minska ŭ dzień svajho 50-hodździa, adrazu sabraŭsia natoŭp FOTY, VIDEA
Kancerty Volskaha ŭ załach u Biełarusi zabaronienyja, tamu muzyka adznačyŭ jubilej voś takim niazvykłym čynam.
Z nahody svajho 50-hodździa biełaruski muzyka Lavon Volski vyrašyŭ dać kancert u pierachodzie la HUMa ŭ centry Minska.
Impravizavany kancert pačaŭsia ź lohkaj zatrymkaj na paŭhadziny. Praŭda, Volskaha čakali. U pierachodzie spačatku sabrałasia kala 40 čałaviek.
Volski śpiavaŭ svaje najlepšyja chity: «Try čarapachi», «Pavietrany šar», «Majo kachańnie». «Hości», «Prostyja rečy».
Usiaho prysutničała kala 150 čałaviek, hledačy aktyŭna padpiavali. Praŭda, niejkija supracoŭniki ŭ cyvilnym taksama viali zdymku.
Ludzi słuchajuć, achvotna fatahrafujuć i fatahrafujucca. Nieŭzabavie na sajcie NN.by čakajecca videa z hetaha kancerta.
Darečy, 7 listapada Lavon Volski razam z «Krambambulaj» daść u Vilni raźvitalny kancert.
***
Lavon Volski naradziŭsia 14 vieraśnia 1965 hoda ŭ Minsku. U 1981 h. u Minskim mastackim vučyliščy imia Hlebava razam z Uładzimiram Davydoŭskim zasnavaŭ rok-hurt «Favaryt» (paśla — «Mroja»). U 1994 hodzie muzyki «Mroi» stvarajuć novy hurt — N.R.M., jaki za 13 hadoŭ vypuściŭ 8 albomaŭ i staŭ fłahmanam biełaruskaha roku.
Sumiesnyja prajekty z udziełam Volskaha — «Narodny Albom» i «Ja naradziŭsia tut» — stali ŭ Biełarusi kultavymi. Spiavaŭ u hurtach «Krambambula» dy «Zet».
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy2
Kamientary