Pakiet pahadnieńniaŭ ab supracoŭnictvie pamiž rehijonami Biełarusi i Rasii padpisany siońnia na sumiesnaj biełaruska-rasijskaj pramysłovaj vystavie ŭ Sočy.
U pryvatnaści, pahadnieńni ab supracoŭnictvie ŭ handlova-ekanamičnaj, navukova-techničnaj, kulturnaj i inšych śfierach padpisali Respublika Komi i Hrodzienskaja vobłaść, Ivanaŭskaja vobłaść Rasii i Viciebskaja vobłaść, Arenburhskaja i Homielskaja vobłaści. Pahadnieńni ab supracoŭnictvie ŭ handlova-ekanamičnaj, sacyjalnaj śfierach i APK padpisany pamiž uradam Ivanaŭskaj vobłaści i Mahiloŭskim abłvykankamam.
Administracyja Pskoŭskaj vobłaści Rasijskaj Fiederacyi padpisała pahadnieńnie ab supracoŭnictvie ŭ ekanamičnaj, navukova-techničnaj, kulturnaj i humanitarnaj halinach z Bresckim i Viciebskim abłasnymi vykanaŭčymi kamitetami.
Urad Vałahodskaj vobłaści RF i Hrodzienski abłvykankam padpisali prahramy raźvićcia supracoŭnictva na 2016-2018 hady ŭ handlova-ekanamičnaj, navukova-techničnaj i kulturnaj śfierach.
Akramia taho, Biełarusbank i Raseksimbank padpisali hienieralnaje pahadnieńnie ab finansavańni ź miažoj zapazyčanaści 2 młrd rasijskich rubloŭ. AAT «BiełAZ» i TAA «Rehijon 42» padpisali pahadnieńnie na pastaŭku karjernaj techniki.
Siońnia ŭ Sočy adkryŭsia II Forum Biełarusi i Rasii, jon pradoŭžyć svaju rabotu pa 18 vieraśnia. U plenarnym pasiadžeńni forumu praduhledžvajecca ŭdzieł bolš jak 350 pradstaŭnikoŭ zakanadaŭčaj i vykanaŭčaj halin ułady Biełarusi i Rasii, kiraŭnikoŭ bujnych pradpryjemstvaŭ i biźnies-supolnaściej dźviuch krain.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary