Departament ŭ spravie enerhaefektyŭnaści pačaŭ akcyju «Minus 60Vt u kožnaj kvatery». Pavodle planu, hramadzianie majuć karystacca lampačkami, jakija spažyvajuć mieniej enerhii i kaštujuć u 10-20 razoŭ daražej za zvyčajnyja.
Departament ŭ spravie enerhaefektyŭnaści pačaŭ akcyju «Minus 60Vt u kožnaj kvatery». Pavodle planu, hramadzianie majuć karystacca lampačkami, jakija spažyvajuć mieniej enerhii. Nakolki efektyŭnyja roznyja prahramy ekanomii? Dzie i jak ekanomiać?
U Miensku i ŭ abłasnych centrach ciapier abrali niekalki damoŭ, žychary jakich pahadzilisia na ŭdzieł u eksperymencie. Supracoŭniki «Biełenerha» zamianili lampački ŭ ich kvaterach, apaviała pradstaŭnica departamentu pa enerhaefektyŭnaści Žana Ziańkievič:
«Tam zamienienyja zvyčajnyja lampy napalvańnia na enerhaźbierahalnyja lampy rasiejskaj kampanii «Kosmas». Jany na biaspłatnaj asnovie zamianili hetyja lampy. Heta było naprykancy lutaha. Ciaham sakavika hetyja pakazańni buduć zamiaracca, jak pamianiajecca enerhaspažyvańnie».
Pavodle specyjalista «Biełenerha» Vitala Hryzo, nia ŭsie žychary abranych damoŭ pahadzilisia na ŭdzieł u takim eksperymencie.
«Prykładna pałova žycharoŭ u kožnym domie, dzieści bolš, a dzieści mienš, u siarednim pałova žycharoŭ».
Nieŭzabavie paśla eksperymentu, Departament ŭ spravie enerhaefektyŭnaści planuje raspačać akcyju «Minus 60 Vt u kožnaj kvatery». Specyjalisty ličać, što kali zamianić usie lampački ŭ kvatery, to moža dasiahnuć pamianšeńnia enerhaspažyvańnia da 20 kilavat štomiesiac. Takija lampački kaštujuć u kramach 6 ‑10 tysiačaŭ. Žana Ziańkievič skazała:
«My budziem zaklikać, kab kožny schadziŭ u kramu i kupiŭ takuju lampačku za hrošy i zamianiŭ jaje».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary