Vialikabrytanija płanuje dałučycca da Hiermanii i ZŠA ŭ prahramie NATA pa adpraŭki ŭ Prybałtyku kantynhientu vojskaŭ dla abarony ad «rasijskaj ahresii», piša Financial Times. Pa dadzienych vydańnia, pra takoje rašeńnie kiraŭnik brytanskaha vajskovaha viedamstva Majkł Fałon abvieścić na siońniašnim samicie ministraŭ NATA ŭ Brusieli.
Miarkujecca, što terminy raźmiaščeńnia vojskaŭ ustanaŭlivacca nie buduć, adnak skład kantynhientu budzie rehularna abnaŭlacca. Heta dazvolić sajuźnikam abyści mahčymyja pretenzii Rasii z nahody parušeńnia zaklučanaha paśla zakančeńnia chałodnaj vajny pahadnieńnia ab adpraŭcy armij va Ŭschodniuju Jeŭropu.
Chutčej za ŭsio havorka budzie iści ab adnoj rocie, heta značyć prykładna sotni brytanskich vajskoŭcaŭ, a taksama ab pavieličeńni kolkaści instruktaraŭ va Ukrainie (ciapier ich 75). Pry hetym vydańnie adznačaje, što Maskva chutčej za ŭsio budzie niezadavolenaja hetym rašeńniem. Raniej u Kramli nieadnarazova abvinavačvali NATA ŭ sprobach padabracca bližej da rasiejskich miežaŭ i pašyryć śfieru ŭpłyvu va Uschodniaj Jeŭropie.
FT raspaviadaje, što na samicie Fałon padkreślić prychilnaść Vialikabrytanii idei abarony «suvierenitetu demakratyčnych dziaržaŭ Uschodniaj Jeŭropy». Jon dadaść, što brytanskija instruktary ŭžo navučajuć ukrainskija vojski, a samaloty karaleŭskich VPS ŭdzielničajuć u patrulavańni nieba Prybałtyki.
Kamientary