Skopje zajaŭlaje pra adkrytaść da pieramovaŭ ab źmienie nazvy svajoj krainy z-za pretenzij Hrecyi. Pra heta zajaviŭ premjer Makiedonii Nikoła Hrujeŭski, piša The Guardian.
Pavodle jaho słoŭ, u jaho jość žadańnie adnavić dyjałoh z Hrecyjaj, jaki patencyjna moža vylicca ŭ źmienu nazvy krainy.
«My hatovyja da dyskusii, adkrytyja da dyjałohu ź imi i da znachodžańnia rašeńnia», — skazaŭ Hrujeŭski.
Nahadajem, Hrecyja ličyć, što Makiedonija «skrała» nazvu ŭ adnoj z paŭnočnych hrečaskich pravincyj.
Sprečka praciahvajecca z 1991 hoda — času zdabyćcia niezaležnaści Makiedonijaj, jakaja da 1991 hoda nasiła nazvu Sacyjalistyčnaja respublika Makiedonija, što nie vyklikała supracivu z boku Hrecyi. Paśla 1991 Hrecyja ličyć, što nazva dziaržavy źjaŭlajecca uzurpacyjaj nazvy jaje histaryčnaj pravincyi.
Z-za niazhody Hrecyi z nazvaj Makiedonii kraina nie moža ŭstupić u NATA i pačać pieramovy ab siabroŭstvie ŭ ES.
«My chacieli b jak maha chutčej pierajści da dyjałohu z Hrecyjaj, kab znajści rašeńnie. I kali my jaho znojdziem, to źvierniemsia da hramadzian, praviadziem refierendum», — zajaviŭ Hrujeŭski.
Jak adznačaje vydańnie, z abodvuch bakoŭ ciapier jość sihnały, što 24-hadovaja sprečka pamiž krainami moža być vyrašanaja. Napiaredadni vizitu ŭ Afiny kiraŭnik MZS Makiedonii Nikoła Paposki zajaviŭ, što ŭmovy dla vyrašeńnia kanfliktu z nazvaj «bolš čym naśpieli».
Varta adznačyć, što heta budzie pieršy vizit kiraŭnika MZS Makiedonii ŭ Hrecyju za 15 hadoŭ. Kiraŭnik MZS Hrecyi Nikas Katzijas naviedaŭ Skopje ŭ červieni ŭpieršyniu za 11 hadoŭ.
U pryvatnaści, jon tady zajaŭlaŭ: «My chočam, kab našy susiedzi stali siabrami Jeŭrasajuza, tamu što ad našaj krainy ŭ značnaj stupieni zaležyć toje, što adbyvajecca na Bałkanach».
Ciapier čytajuć
Siarhiej Cichanoŭski pierabraŭsia žyć u Łos-Andželes29
Kamientary