Za try miesiacy na sumie 1000 złotych ludzi vyjhrali 45 dalaraŭ.
Reč u tym, što ŭsie hrašovyja stasunki ŭ Biełarusi pa siońniašni dzień zaviazanyja na dalary — kupla patrymanych aŭto, techniki praź internet, apłaty lubych pasłuhaŭ. Heta nieaficyjny, ale isny j paŭsiudny sposab.
Pry takoj sytuacyi ciaham apošnich troch miesiacaŭ ad ahulnaeŭrapiejskaha rostu eŭra vyjhrali tyja biełarusy, jakija majuć źbierahańni ŭ złotych. Raskład prosty. 29 śniežnia 1 złoty možna było zdać u bank za 870 rubloŭ, to bok nabyć za 1000 złotych 403 dalary pa tahačasnym kursie. 28 sakavika, 1 złoty možna było pradać banku za 962 rubli, što raŭniajecca siońnia 448 dalaram. Heta značycca, majučy na rukach 1000 złotych, čałaviek moža zarabić za 3 miesiacy 45 dalaraŭ.
Fenamenalna, ale navat trymajučy siońnia źbierahańni ŭ eŭra, stolki nie zarobiš. Pierad Novym hodam 1 eŭra možna było pradać za 3140 rubloŭ, zaraz za 3386. Ale na sumie ŭ 300 eŭra za tyja samyja 3 miesiacy možna było zarabić tolki 34 dalary!
Tym časam padzieńnie dalara daje ludziam usio bolšyja straty ŭ pieraliku na biełaruskija rubli. Na minułym tydni byŭ zafiksavany rekordna nizki kurs zdačy ŭ bank dalaraŭ —2135 rubloŭ. U paraŭnańni sa śniežańskim kursam, na 1000 dalaraŭ čałaviek stračvaje 3,5 dalary.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary