6 krasavika ŭ połackim haradzkim pałacy kultury adbudziecca kancert‑konkurs «Noč Vaŭkałaka» z udziełam hurtoŭ Indra, Kripa, «RoStra», «Ałmazny front», «Vośmy dzień», «Akropal» i — Neuro Dubel.
Šmat vialikich kniazioŭ, połackich uładaroŭ uvajšło ŭ suśvietnuju historyju. Adnym ź ich byŭ Usiasłaŭ Bračysłavavič, Usiasłaŭ Čaradziej. Sučaśniki vieryli, što nieba nadzialiła Ŭsiasłava viečnaj dušoj i mahčymaściu pieraŭtvaracca ŭ sokała ci ŭ vaŭka.
Hetaja lehienda i natchniła arhanizataraŭ «Nočy Vaŭkałaka» na takuju nazvu — jak jašče adnu daninu pavahi našamu znakamitamu ziemlaku. U prahramu «Nočy Vaŭkałaka» ŭvojdzie konkursnaja častka, vystupy haściej festyvalu i vialiki kancert chedłajneraŭ. U konkursie buduć zmahacca maładyja vykanaŭcy z usioj krainy, jakija śpiavajuć na biełaruskaj movie.
U konkursnaj prahrammie prymuć udzieł:
- «RoStra» (Miensk)
- «Ałmazny front» (Viciebsk)
- «Vośmydzień» (Viciebsk)
- «Akropal» (Smalavičy)
- «Da!Bł…» (Narač)
- «Denial of Life» (Navapołacak)
- «Piarevaracień» (Miensk)
Pa‑za konkursam adyhraje set połacki hurt Indra (muzyki abiacajuć prezentavać na sud hledačoŭ całkam novuju prahramu na vieršy połackaj paetki Lery Som) i viciablanie Kripa. A paśla taho, jak kampetentnaje žury abiare pieramožcaŭ, pierad pałačanami i haściami vystupiać sioletnija rok‑karali — lehiendarny biełaruski hurt Neuro Dubel.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary