Hdańskaja prakuratura nakiravała ŭ Varšaŭski akružny sud akt abvinavačvańnia suprać biełarusa, jaki byccam by špijoniŭ suprać Polščy.
Hdańskaja prakuratura nakiravała ŭ Varšaŭski akružny sud akt abvinavačvańnia suprać biełarusa, jaki byccam by špijoniŭ suprać Polščy.
«Siarhiej M. abvinavačany va ŭdziele ŭ raźviedcy na karyść Biełarusi i dziejańniach na škodu Polščy. Za heta pahražaje 10 hadoŭ pazbaŭleńnia voli», — skazaŭ Źbihnieŭ Niemčyk, šef Hdańskaha biuro pa spravach arhanizavanaj złačynnaści Krajovaj prakuratury.
Spasłaŭšysia na nieabchodnaść zachavańnia tajamnicy śledztva, Niemčyk admoviŭsia paviedamić padrabiaznaści.
U studzieni minułaha hodu, kali spravaj jašče zajmałasia Hdańskaja apelacyjnaja prakuratura, jaje pres‑sakratar Kšyštaf Trynka havaryŭ, što mužčynu padazrajuć u tym, što «u 2005‑2006 hadach na terytoryi inšaj krainy jon namaŭlaŭ hramadzianina Polščy da dziejańniaŭ na karyść biełaruskaj raźviedki suprać Polščy».
Ad znajomaha — hramadzianina Polščy Kšyštafa H. — Siarhiej M. chacieŭ zdabyć śpis pracoŭnikaŭ polskaha MZS i ich numary telefonaŭ, a taksama sakretnyja dakumenty ministerstva. Za abiacańni pradastaŭleńnia infarmacyi biełarus abiacaŭ zapłacić 500 dalaraŭ. Siarhiej M. adchiliŭ abvinavačvańni, śćviardžajučy, što nievinavaty i źjaŭlajecca achviaraj pravakacyi Kšyštafa H., paviedamlaje ahienctva PAP.
41‑hadovy Siarhiej M. byŭ zatrymany ŭ Litvie ŭ listapadzie 2006 hodu na prośbu Polščy, jakaja paśla zapatrabavała jaho ekstradycyi. Niekalkimi dniami paźniej biełarus byŭ vydadzieny polskamu boku.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik48
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary