Jaho paprasili ab hetym deputaty, jakija ŭvachodzili ŭ frakcyju "Respublika".
Pavodle słoŭ palityka, jaho paprasili bałatavacca deputaty, jakija ŭvachodzili ŭ deputackuju hrupu «Respublika». «Uličvajučy siońniašniuju abstanoŭku tatalnaha zapałochvańnia hramadzianskaj supolnaści, pieraśled pradstaŭnikoŭ masavaj infarmacyi, palityčnych partyj, raźviazvańnia chałodnaj vajny z ZŠA, Rasijaj i Jeŭrasajuzam, deputackaja hrupa «Respublika» pryniała rašeńnie ab vyłučeńni svajho kandydata ŭ prezidenty na vybarach u 2011 hodzie», — havorycca ŭ zvarocie členaŭ hrupy.
«Ličym, što naš kandydat Skrabiec Siarhiej Mikałajevič, jaki, nie bajučysia represij z boku režymu, užo vyłučaŭ svaju kandydaturu ŭ 2001‑m i, navat znachodziačysia ŭ turmie, u 2006 hodzie, — dastojnaja alternatyva kandydatam jak ad apazicyi, tak i ad ułady», — śćviardžajuć aŭtary zajavy.
Sam S. Skrabiec u intervju BiełaPAN zajaviŭ, što byłyja deputaty, jakija ŭvachodzili ŭ hrupu «Respublika», majuć namier uziać udzieł u vybarach u Pałatu pradstaŭnikoŭ i pavinny padtrymać jaho u jakaści kandydata ŭ prezidenty.
«Niekatoryja z hetych byłych deputataŭ znachodziacca ŭ turmie pa nadumanych abvinavačańniach, inšyja dahetul nie mohuć znajści pracu… Ale deputackaja hrupa «Respublika» nie razvaliłasia — my praciahvajem sustrakacca, havaryć ab prablemach. I peŭnuju palityčnuju siłu my ŭsio jašče ŭjaŭlajem», — zajaviŭ S.Skrabiec.
«Da vybarčaj kampanii treba rychtavacca nie za miesiac, nie za dva miesiacy, i nie za paŭhoda. Da prezidenckich vybaraŭ jašče dva z pałovaj hady, i hetaha terminu dastatkova, kab da ich padrychtavacca. I ja rad, što maje kalehi pačali padrychtoŭku ŭžo ciapier», — zaznačyŭ S. Skrabiec.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary