Uładzimir Arłoŭ: Pieraŭtvareńnie Połacka ŭ rajcentr — złačynstva
«Paśla hetaha złačynstva Połacak na vačach pačaŭ zaniepadać», – tak słavuty piśmieńnik Uładzimir Arłoŭ prakamientavaŭ likvidacyju ŭ 2013 hodzie statusu Połacka jak horada abłasnoha padparadkavańnia i pieraŭtvareńnie jaho ŭ šarahovy rajonny centr.
Ciapier tut nie stvarajucca novyja muziei, nie ŭstalovajucca novyja pomniki, spyniłasia vykanańnie płanaŭ raźvićcia horada jak turystyčnaha centra:
– Nie razumiejučy taho, kolki Połack moh by prynieści našaj krainie aŭtarytetu i prosta finansavych srodkaŭ, prymajecca rašeńnie, što jon pieratvarajecca ŭ administracyjnuju adzinku, jakaja nazyvajecca rajonnym centram. Što aznačaje skasavańnie harvykankama, skasavańnie haradskoha adździeła kultury, skasavańnie inšych struktur, jakija ŭžo mieli dobry dośvied pracy ŭ takim składanym, u sensie z raźvitaj historyjaj i kulturaj, horadzie.
U novym turystyčnym daviedniku ŭžo paznačana, što Połack staŭ centram rajona, nibyta heta niejkaja važnaja histaryčnaja viecha horada:
– U knizie chranałohija haradskich padziejaŭ zakančvajecca takoj dataj: 2013 hod – Połack staŭ stalicaj Połackaha rajona. Heta jak by apafieoz, vidać, u vačach tych, chto zamaŭlaŭ hetuju knihu. Jany pryjšli da ŭłady, Połack staŭ ichniaj stalicaj – stalicaj Połackaha rajona.
Uładzimir Arłoŭ ličyć, što ŭ Biełarusi pavinna pačacca hramadskaja kampanija pa likvidavańni hetaha haniebnaha pieraŭtvareńnia Połacka ŭ rajcentr.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary