List čytača: «Ministr adukacyi z razumnym tvaram. Dy tolki chto jaho padtrymaje?»
Narešcie źjaviŭsia ministr adukacyi z razumnym vyrazam tvaru i dobrymi namierami refarmavańnia našaj vyrodlivaj adukacyi. Dy tolki chto jaho padtrymaje? Administracyja škoł? Našy troječnicy mocna trymajuć rubiažy ŭsiaho, što paśpieli nakapić pa zaniavoleńni nastaŭnikaŭ.
Vykaranić papieratvorčaść? Dzie ž tam!
Marnujem papieru kiłahramami, dy jašče i dublujem toje ž samaje ŭ elektronnym varyjancie, kab pakazać, jakija my «prasunutyja».
I ŭsio zastaniecca pa-raniejšamu: raspranańnie «dzietak» u harderobie. Dzietki — ad 186 sm da 2 mietraŭ. Usie — členy BRSM. Vyvad u stałovuju. Karmleńnie. Apranańnie ŭ harderobie. Vyvad dadomu.
I ŭ tualety vodzim, kab nie kuryli, kab pietardy va ŭnitaz nie kidali, kab u zakład nie zabivali rułony tualetnaj papiery ŭ truby. «Zabje — nie zabje?»
Manim z 6 ranicy da 12 nočy: doma, u škole, na TB, u presie. Manim adno adnamu i sabie.
Reformy? Adpišamsia! Adbrešamsia. Adrapartujem. U čarhovy raz. Pieraličym usich svaich hienijaŭ, pieramožcaŭ nad usimi va ŭsim śviecie. Uspomnim Handuras i Danbas, dzie ŭsio jašče horš. Praśpiavajem odu — usiamu narodu: «Vsia strana sił połna, dalšie vsiech pojdiot ona!» Užo pryjšła… Našto niejkija tam reformy!? Našym načalnikam žyłosia dobra raniej, vydatna žyviecca ciapier, a žyć jašče lepiej jany buduć u niedalokaj budučyni.
Budziem rabić vyhlad samaj spartyŭnaj nacyi, dušačysia ŭ transparcie z vučniami, viartajučysia z čarhovaha chakieja ŭ čarhovaj arenie. I na ŭsie pytańni sacapytańniaŭ adkazvać z žyćciaradasnaj uśmieškaj błaznaŭ: usim zadavolenyja, usie pahałoŭna ščaślivyja, «heta naš vybar», nam zajzdrościać usie. A čamu b i nie?
Mnie padabajecca ŭsio: nadvorje, pryroda, achova zdaroŭja, adukacyja, piensijnyja reformy, aparat MUS, ministr hetaha aparata — bravy kamisar biez pylnaha šlema. Padabajucca našy aŭtobusy, tralejbusy, žyviołahadoŭla, ŽESy, turmy — usio!
Pasprabuj skazać, što štości nie tak: «Nie padabajecca — źjazdžajcie!» — navučylisia bić pa apanientach.
Adkažu kožnamu i ŭsim paasobku. Tut usio majo, i ja adsiul rodam! I nie vam, kamisary NKVD, u šlemach i bieź inšych, ukazvać mnie, dzie žyć i jak žyć! Nastaŭnik pavinien być Nastaŭnikam, a nie słužkam i rabom. Voś na heta i treba nakiravać usie reformy.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?76
Kamientary