Prezident Kałumbii Chuan Manuel Santas vystaviŭ ultymatum paŭstancam ź levaradykalnaj hrupoŭki FARK dla dasiahnieńnia miru ŭ krainie. Pavodle jaho słoŭ, krajni termin dla zakančeńnia pieramoŭnaha pracesu — 23 sakavika, i praciahvacca jon nie budzie.
«Čas dla pieramovaŭ padyšoŭ da kanca. Da 23 sakavika — daty, zamacavanaj u damoŭlenaściach pamiž prezidentam respubliki i Revalucyjnymi ŭzbrojenymi siłami Kałumbii, zastałosia mienš za piać tydniaŭ», — skazaŭ Santas.
U chodzie pieramoŭ, jakija praciahvajucca z 2012 hoda, była dasiahnutaja damoŭlenaść ab udziele paŭstancaŭ u palityčnym pracesie (heta było adnym z hałoŭnych patrabavańniaŭ FARK), sumiesnaj baraćbie z narkabiznesam i ziamielnaj reformie.
Pa-raniejšamu zastajucca roznahałośsi z nahody razzbrajeńnia bajevikoŭ, akramia taho, nie vyznačany miechanizm pryznačeńnia sudździaŭ śpiecyjalnaha trybunału, jaki pavinien rasśledavać złačynstvy, učynienyja ŭ pieryjad vajennaha kanfliktu.
Uzbrojeny kanflikt pamiž kałumbijskimi ŭładami i FARK praciahvajecca bolš za 50 hadoŭ. Za hety čas było zabita bolš za 220 tysiač čałaviek, jašče 6 miljonaŭ byli vymušanyja pakinuć svajo žyllo. Mirnyja pieramovy pačalisia ŭ Havanie ŭ listapadzie 2012 hoda.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?15
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary