Hajdaraŭskija reformy rasijskaha ŭzoru biełarusam nie patrebnyja. Ab hetym zajaviŭ Alaksandr Łukašenka pierad tym, jak zasłuchać dakład ab padatkovaj i akcyznaj palitycy ŭ 2016 hodzie.
Kiraŭnik krainy adznačyŭ, što ŭvažliva praanalizavaŭ prapanovy, jakija ŭnosiacca uradam. «Hajdaraŭskija reformy rasijskaha ŭzoru biełarusam nie patrebnyja», — padkreśliŭ Alaksandr Łukašenka.
«My vybrali šlach sacyjalna aryjentavanaj ekanomiki i prosta skazali narodu, što čałaviek staić u centry našaj uvahi. Hałoŭnaje — heta čałaviek. I nakolki mahčyma, my budziem rabić usio, kab čałaviek na svajoj ziamli nie byŭ pakryŭdžanym», — skazaŭ kiraŭnik dziaržavy.
Alaksandr Łukašenka naceliŭ urad i miascovyja ŭłady, kab aktyvizavać vytvorčaść na miescach. «Treba vyrabić i pradać — tady hrošaj bolš budzie ŭ biudžecie i nie treba budzie rezać dziaržprahramy», — pierakanany jon.
Kamientary