Mižnarodnaja daśledčaja hrupa Bellingcat apublikavała rasśledavańnie ab vajskoŭcach, jakija źbili małajzijski «Boinh» MH17 nad uschodam Ukrainy. Pa dadzienych Bellingcat, samalot byŭ źbity z ustanoŭki «Buk» vajskoŭcami rasijskaj 53-j zienitna-rakietnaj bryhady.
Vajskoŭcy 2-ha dyvizijona hetaj bryhady raźmiaščali ŭ sacyjalnych sietkach fatahrafii, jakija śviedčać, što ŭ červieni i lipieni 2014 hoda jany znachodzilisia la rasijska-ŭkrainskaj miažy.
U apublikavanaj viersii dakładu (.pdf) fatahrafii i asabistyja źviestki vajskoŭcaŭ źmienienyja. Poŭnyja dadzienyja byli pieradadzienyja Mižnarodnaj śledčaj hrupie (JIT), jakaja zajmajecca rasśledavańniem hibieli rejsa MN17.
Bellingcat nazyvaje niekalki dziasiatkaŭ imionaŭ rasijskich vajskoŭcaŭ, jakija mahli być datyčnyja da avijakatastrofy.
Pry hetym daśledčaja hrupa padkreślivaje, što niezaležna ad taho, chto mienavita vykanaŭ zahad, «adkaznaść za zabojstva pasažyraŭ MH17 sa zbroi, pradastaŭlenaj rasijskimi ŭzbrojenymi siłami i, vierahodna, kiravanaha rasijskimi vajskoŭcami,
u kančatkovym rachunku niasie ministerstva abarony Rasijskaj Fiederacyi i viarchoŭny hałoŭnakamandujučy Uzbrojenymi siłami Rasii Uładzimir Pucin».
-
Były hruzčyk ź biełaruskaj vioski akazaŭsia davieranaj asobaj kiraŭnika rasijskaha Śbierbanka Hiermana Hrefa
-
Zastaŭsia tolki miesiac, kab padać zajaŭku na try prestyžnyja prahramy navučańnia i prafiesijnaha raźvićcia ŭ ZŠA
-
ZŠA pačali novuju chvalu ŭdaraŭ pa Iranie paśla zajaŭ Trampa pra zaviaršeńnie pieramirja
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary