Nižniaja pałata niamieckaha parłamienta padtrymała ŭzmacnieńnie žorstkaści mihracyjnaha zakanadaŭstva krainy, jakoha damahałasia kancler Anhieła Mierkiel.
429 deputataŭ Bundestahu prahałasavali za pryniaćcie pakieta zakonaprajektaŭ, 147 — suprać.
Zhodna z uchvalenymi normami, zajaŭki peŭnaj hrupy mihrantaŭ buduć razhladacca ŭ paskoranym režymie. Heta tyčycca tych, chto prybyŭ z krain, jakija ŭ Hiermanii ličacca «biaśpiečnymi».
Mihranty z takich krain buduć raźmiaščacca ŭ śpiecyjalnych ustanovach. Jany nie zmohuć sami vybirać miesca žycharstva ŭ FRH.
Taksama ŭ novych normach prapisanyja źmieny dla mihrantaŭ, jakija nie źjaŭlajucca biežancami, ale nie padlahajuć viartańniu na radzimu ŭ suviazi z pahrozaj pakarańnia ci katavańniaŭ.
Takija mihranty zmohuć vyklikać svaje siamji ŭ Hiermaniju tolki praz dva hady. Zvyčajna im dajecca hadavy dazvoł na žycharstva, jaki potym praciahvajuć.
Paskorycca ŭ tym liku praces vypravadžeńnia tych mihrantaŭ, jakija nie majuć prava na atrymańnie prytułku, i asudžanych zamiežnikaŭ.
Kamientary