Navukoŭcy adkryli novuju ekzatyčnuju elemientarnuju čaścicu
Fiziki z kałabaracyi DZero abviaścili ab adkryćci novaj elemientarnaj čaścicy, jakaja atrymała nazvu X (5568). Pra heta havorycca na sajcie Nacyjanalnaj paskaralnaj łabaratoryi Fiermi.
Ciapier navucy dobra viadomyja złučeńni kvarka i antykvarka (miezon), a taksama troch kvarkaŭ (baryjon). Usie inšyja złučeńni ličacca ekzatyčnymi i praktyčna nie sustrakajucca ŭ pryrodzie.
Novaja čaścica X (5568) składajecca z čatyroch kvarkaŭ. Jana padobnaja na tetrakvark, adkryty ŭ 2014 hodzie. Adnak jana maje čatyry roznyja «vodary»: nižni, vierchni, charastvo (bottom quark also known as the beauty quark) i dziŭnaść (strange). Va ŭsich tetrakvarkaŭ, jakija navukoŭcy nazirali raniej, choć by dva «vodary» paŭtaralisia.
U svajoj pracy navukoŭcy vykarystali dadzienyja pra raspad miezonaŭ, atrymanyja na kałajdery Tevatron ŭ ZŠA z 2002 pa 2011 hady. Statystyčnaja značnaść znachodki skłała 5,1 standartnych adchileńniaŭ (imaviernaść pamyłki — 1 da 6 000 000).
Novaja čaścica atrymała nazvu X (5568) pa značeńni jaje masy — 5568 miehaelektronvolt. U daśledavańni brali ŭdzieł śpiecyjalisty z 75 instytutaŭ z 18 krain. Vyniki svajoj pracy navukoŭcy adpravili ŭ časopis Physical Review Letters.
Fiziki pakul nie razumiejuć da kanca miechanizmy, jakija prymušajuć čaścicy złučacca ŭ atamnyja jadry i ŭtrymlivajuć ich razam. Nazirańnie za ekzatyčnymi čaścicami moža dapamahčy nablizicca da vyrašeńnia hetaj zahadki.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary