Nočču 25 lutaha na vyśpie Samuj u Tajłandzie dvoje dziaŭčat zahinuli ŭ aŭtakatastrofie — mašyna ŭrezałasia ŭ pryparkavanuju za krutym pavarotam śpiectechniku. Adna ź ich — 26-hadovaja minčanka Maja Bujnickaja. Jaje rodnyja, ciapier praz konsułaŭ źbirajucca ŭsie nieabchodnyja dakumienty dla transparciroŭki cieła na radzimu.
U mašynie razam ź biełaruskaj znachodziłasia jaje siabroŭka z Novasibirska (Rasija), 23-hadovaja Kaciaryna Puškanava.
«Jość fatahrafii ź miesca avaryi: heta kruty pavarot prykładna na 90 hradusaŭ, prosta ŭjezd na budoŭlu. Tam stajaŭ ekskavatar, jany na poŭnaj chutkaści ŭjechali ŭ jaho, navat tarmaznoha šlachu nie było. Usio zdaryłasia nočču, jany nie zaŭvažyli…», — raspavioŭ TUT.BY adzin ź blizkich Mai Bujnickaj.
Pra zdareńnie rodnym paviedamili miascovyja žychary, jakija znajšli niepadalok ad miesca DTZ mabilny telefon biełaruski — jany napisali pra toje, što zdaryłasia praz sacsietki.
Ciapier rodnyja padtrymlivajuć suviaź z Tajłandam praz Pasolstva Biełarusi ŭ Vjetnamie. Na vostravie Samuj źbirajucca ŭsie nieabchodnyja dakumienty dla transparciroŭki cieła, u tym liku paśviedčańnie ab śmierci. Siemji ŭžo apaznali zahinułych pa fotazdymkach.
U pasolstvie Respubliki Biełaruś u Vjetnamie TUT.BY konsuły paćvierdzili, što sapraŭdy zajmajucca takim vypadkam.
Pavodle papiaredniaj infarmacyi, strachoŭka Mai Bujnickaj była vypisanaja na mienšy termin znachodžańnia i ciapier dakumient nie dziejničaje. Tamu ŭsie vydatki na transparciroŭku cieła siłami śpiecyjalnych słužbaŭ rodnym pryjdziecca apłacić samastojna.
U siamji kažuć, papiarednie havorka idzie minimum ab 5 tysiačach jeŭra — apieratyŭna ŭsiu sumu jany nie paśpiavajuć sabrać. Inakš hety praces moža zaciahnucca jak minimum na tydzień. Tamu ciapier siamja adkryvaje rachunak u banku, na jaki paźniej zmohuć zrabić pieravod usie achvotnyja dapamahčy (dadzienyja buduć dadadzienyja paźniej na partale).
Pa słovach rodnych Mai Bujnickaj, dziaŭčyna sa śniežnia minułaha hoda znachodziłasia ŭ Tajłandzie — adpačyvała i pracavała.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy8
Kamientary