Arsień Jacaniuk pahadziŭsia dobraachvotna syści ŭ adstaŭku, paviedamiła krynica RBK-Ukraina va ŭradzie.
16 lutaha prezident Ukrainy Piatro Parašenka zaklikaŭ Jacaniuka da «tatalnaha pierafarmatavańnia» urada i prapanavaŭ jamu syści ŭ adstaŭku. Na dumku Parašenki, urad zhubiŭ davier z boku žycharoŭ krainy.
Na pasiadžeńni ŭ Viarchoŭnaj radzie deputaty nie zmahli adpravić Jacaniuka ŭ adstaŭku. U karyść rašeńnia vykazalisia tolki 194 deputaty pry nieabchodnych 226.
17 lutaha Parašenka zajaviŭ, što premjer-ministr Arsień Jacaniuk na praciahu troch miesiacaŭ pavinien pakinuć svaju pasadu.
Novym premjeram moža stać ministr finansaŭ Natalla Jareśka.
Natalla Jareśka naradziłasia ŭ 1965 h. u horadzie Ełmchierst, štat Ilinojs, ZŠA, u siamji vychadcaŭ z Ukrainy. U 1989 hodzie skončyła Škołu dziaržaŭnaha kiravańnia imia Kieniedzi pry Harvardskim univiersitecie sa stupieńniu mahistra dziaržaŭnaha kiravańnia.
U 1989-1991 hady — supracoŭnik pa ekanamičnych pytańniach u adździele Savieckaha Sajuza, Departamiencie Jeŭropy i Kanady Dziaržaŭnaha Departamienta ZŠA. U 1991—1992 hady - daradca ŭ Ekanamičnym Biuro Dziaržaŭnaha Departamienta ZŠA.
U 1992—1995 hadach - staršynia ekanamičnaha adździeła Ambasady ZŠA va Ukrainie.
Z 2 śniežnia 2014 h. — vice-premjer va ŭradzie A. Jacaniuka.
Ciapier čytajuć
Stali viadomyja padrabiaznaści krušeńnia motadeltapłana pad Minskam3
Stali viadomyja padrabiaznaści krušeńnia motadeltapłana pad Minskam
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary