Inicyjatyva stvareńnia Ekanamičnaha pojasa Šaŭkovaha šlachu — heta vialikaja ideja ŭ imia abjadnańnia i stvareńnia. Ab hetym zajaviŭ Alaksandr Łukašenka 1 sakavika ŭ intervju Centralnamu telebačańniu Kitajskaj Narodnaj Respubliki (SSTV).
Adno z pytańniaŭ datyčyłasia Kitajska-biełaruskaha industryjalnaha parku «Vialiki kamień», jaki zaklikany stać važnym źvianom na hetym novym šlachu. Na dumku kiraŭnikoŭ dźviuch krain, park moža stać žamčužynaj ekanamičnaha pojasa Šaŭkovaha šlachu.
Alaksandr Łukašenka padkreśliŭ: «My čakajem (i ŭžo pačali ažyćciaŭlać hetuju ideju) samych surjoznych inviestycyj u hety prajekt na terytoryi Biełarusi. Naša ź Si Czińpinam žorstkaje patrabavańnie - tut pavinny być stvoranyja pradpryjemstvy, jakija vypuskajuć pradukcyju novaha pakaleńnia».
«Respublika Biełaruś — heta centr Jeŭropy, a ES — heta vysokatechnałahičny sajuz, — praciahnuŭ kiraŭnik dziaržavy. — Stvarać tut pradukcyju minułaha stahodździa i sprabavać potym jaje pradać na hetych rynkach — bieśpierśpiektyŭna. Tamu treba stvarać vielmi vysokaha ŭzroŭniu pradukcyju, kab potym jaje realizoŭvać».
Na dumku kiraŭnika krainy, Biełaruś jak nijakaja inšaja kraina hatovaja i padychodzić dla hetaha.
Asabliva z ulikam raźvitoj infrastruktury — žaleznych, aŭtamabilnych daroh, pavietranaha transpartu, bo tut skryžavańnie hetych šlachoŭ. Akramia taho, novyja mahčymaści adkryvajucca sa stvareńniem Jeŭrazijskaha ekanamičnaha sajuza, aktyŭnym čalcom jakoha źjaŭlajecca Biełaruś.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?15
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary