Modum vypuścić liniju moładzievaj kaśmietyki «Asoba» ź biełaruskim arnamientam
Parfumierna-kaśmietyčnaja fabryka «Modum» u chutkim časie źbirajecca vypuścić liniju moładzievaj kaśmietyki «Asoba». Linija admietnaja svaim dyzajnam: nazvy buduć napisanyja biełaruskaj łacinkaj, a ŭpakoŭki — upryhožanyja biełaruskim arnamientam.
Krem utrymlivaje pčaliny vosk, vitamin Je, D-pantenoł i ałantain, ekstrakty ablapichi i pałynu. Abjom — 75 h, termin prydatnaści — 36 miesiacaŭ.
Padrabiaźniej pra nacyjanalnuju liniju kaśmietyki raspavioŭ aŭtar kancepcyi dyzajnu ŭpakoŭki «Asoba» Anatol Łazar.
«Heta była inicyjatyva kampanii, bo, pravioŭšy markietynhavaje daśledvańnie, my zrazumieli, što popyt na biełaruskuju nacyjanalnuju pradukcyju jość. Buduć srodki jak dla zdarovaj i, tak i prablemnaj skury. Buduć kremy dla ruk, tvaru, pilinhi i hetak dalej».
Pradukcyja raźličanaja na moładź, jakoj padabajecca biełaruskaja mova. Biezumoŭna, byŭ uličany markietynhavy faktar, što ludziej, jakija razmaŭlajuć pa-biełarusku, heta pryvabić.
Aŭtar adznačaje, što nazva napisanaja na łacincy z ulikam ekspartu ŭ inšyja krainy. «Hetaja pradukcyja ŭ susiednich krainach budzie prezientavacca jak biełaruskaja, tamu heta pavinna stanoŭča adlustravacca na identyfikacyi Biełarusi za miažoj».
Ci spadabaŭsia vam dyzajn? Vykazvajciesia ŭ kamientach!
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club5
Kamientary