U partnioraŭ Uber u Minsku zabirajuć licenzii. Tyja źbirajucca sudzicca

Licenzija adnoj z kampanij-pieravozčykaŭ užo spyniena. Dakumienty ab pazbaŭleńni licenzii druhoj čakajuć svajho času. Pad kantrolnuju zakupku trapili i inšyja pieravozčyki, jakija supracoŭničali z servisam. «Ich [Uber'a] schiema niapravilnaja i nieprydatnaja dla našaha rynku», — miarkujuć u Transpartnaj inśpiekcyi i tłumačać, jak servis zmoža pracavać u našaj krainie biez parušeńniaŭ zakanadaŭstva i čamu «pad razdaču» trapiŭ tolki Uber — a Jandeks.Taksi, naprykład, absalutna lehalna praciahnie pracavać.

Pavialičyć

Daručeńnie «vyvučyć situacyju z Uber» jašče 8 lutaha daŭ mer Minska Andrej Šorac — na dumku staličnych taksistaŭ, prychod biudžetnaha UberX na biełaruski rynak pastaviŭ ich u niaroŭnyja ŭmovy z kiroŭcami, jakija pracavali z hetym servisam. U toj ža dzień razabracca z umovami pracy Uber vyrašyli i transpartniki na naradzie ŭ profilnym ministerstvie. Miarkujučy pa ŭsim, Transpartnaja inśpiekcyja Mintransa adrazu ž pačała pracavać — užo 25 lutaha dziejańnie licenzii adnaho z asnoŭnych partnioraŭ Uber - PHUP «Mołbierh» - na staličnym rynku pasažyrskich pieravozak była spynienaja.

— Heta nie časovaje prypynieńnie, a poŭnaje spynieńnie dziejańnia śpiecyjalnaha dazvołu (licenzii) — takaja miera paśledavała za hrubyja parušeńni pieravozčykam dziejučaha zakanadaŭstva, - rastłumačyŭ načalnik upraŭleńnia kantrolu transpartnaj dziejnaści Transpartnaj inśpiekcyi Mintransa Ivan Alisiejka.

Transpartnikami byli praviedzieny «metavyja tematyčnyja pazapłanavyja apieratyŭnyja pravierki dziejnaści kampanij-partnioraŭ Uber»: vyjaŭlena adsutnaść zamovy-narada na frachtavańnia transpartnaha srodku, pieravozčykami nie projdzieny raz u 6 miesiacaŭ dziaržaŭny techničny ahlad (jak heta rehłamientujecca zakanadaŭstvam dla lehkavych aŭtamabilaŭ, jakija ažyćciaŭlajuć kamiercyjnyja pieravozki pasažyraŭ).

- U nas niama pretenzij da Uber jak servisu, my [pradstaŭnikoŭ] Uber ŭ vočy nie bačyli. Treba razumieć, što Transpartnaja inśpiekcyja kantraluje vykanańnie zakanadaŭstva usimi pieravozčykami - u tym liku i tymi, jakija pracujuć z Uber. Jany ž [Uber] čamuści ŭsio roŭna nie chočuć pracavać pa praviłach, ustanoŭlenych u Biełarusi. Sistema pieravozak u našaj krainie ŭźnikła nie ŭčora, jana rehulujecca zakanadaŭstvam. Ich schiema niapravilnaja i nieprydatnaja dla pieravozak pasažyraŭ u našaj krainie.

Alisiejka tłumačyć: u Biełarusi mahčymyja dva vidy kamiercyjnych pasažyrskich pieravozak — rehularnyja i nierehularnyja (u tym liku i taksi). Apošnija mahčymyja na nastupnych padstavach: heta albo publičny dahavor (tak pracujuć usie «tradycyjnyja» słužby taksi), albo dahavor frachtavańnia transpartnaha srodku (tak zvany zakaz-narad; tak pracuje, naprykład, arenda aŭto z kiroŭcam). Bolš za toje, usie aŭtamabili masaj mienš za 5 ton, jakija ažyćciaŭlajuć kamiercyjnyja pieravozki pasažyraŭ, abaviazany jeździć z žoŭtymi numarami i prachodzić techahlad dvojčy ŭ hod. Usie — padkreślivajuć u Transpartnaj inśpiekcyi, navat kali jany nie ličać siabie taksi.

— Maršrutki, naprykład, taksama nie źjaŭlajucca taksi, adnak jany vykonvajuć kamiercyjnyja pieravozki pasažyraŭ i padparadkoŭvajucca tym ža praviłam.

Nakolki viadoma auto.tut.by, dla pravierak vykanańnia zakanadaŭstva transpartniki praviarali nie kankretnych pieravozčykaŭ — usiu sistemu. Parušeńni zafiksavali pakul tolki ŭ tych, chto «trapiŭ» pad kantrolny zakup — pakul heta PHUP «Mołbierh» i TAA «Bieleŭrarent Flit Solušnz»: dakumienty adnosna spynieńnia dziejańnia licenzii druhoha pieravozčyka ŭžo nakiravanyja vykanaŭcami (supracoŭnikami filijała TI pa Minsku i Minskaj vobłaści) u transpartnuju inśpiekcyju, ale, pa słovach Ivana Alisiejki, pakul nie razhladalisia. Pravieračnyja mierapryjemstvy, kažuć transpartniki, buduć praciahvacca.

Da kankurujučaha z Uber servisu, jaki niadaŭna pryjšoŭ na naš rynak — Jandeks.Taksi — pretenzij niama: tyja pracujuć pa inšym pryncypie — vybrali sabie ŭ jakaści partniora słužbu taksi 135 «Stalica», ź jakoj pracuje bolš za 100 pradpryjemstvaŭ-pieravozčykaŭ i IP. Usie ich mašyny — tradycyjnyja taksi: jeździać z žoŭtymi numarami i dvojčy ŭ hod prachodziać techahlad.

Paśla rašeńnia ab spynieńni dziejańnia licenzii ŭ pieravozčyka jość 15 rabočych dzion na toje, kab skončyć dziejnaść. Da taho jon całkam lehalna moža pracavać — što i robić zaraz, naprykład, PHUP «Mołbierh».

— Ź dziejańniami Transpartnaj inśpiekcyi my nie zhodnyja. Budziem abskardžvać u sudzie. Dalejšyja kamientary buduć ad našaha advakata, — paviedamiŭ pradstaŭnik kampanii Alaksiej.

My pakul čakajem kamientaroŭ ad pradstaŭnika servisu Uber u našym rehijonie Jaŭhienii Šypavaj.

• 0
• 0
• 0
• 0
• 0
• 0
• 0
• 0