Kobrynskija śledčyja raspačali kryminalnuju spravu pa čatyroch artykułach Kryminalnaha kodeksa ŭ dačynieńni da 31-hadovaha internet-machlara.
Na śled złačynca pravaachoŭnikam udałosia vyjści ŭ červieni 2015 hoda. Tady ŭ milicyju źviarnuŭsia junak z zajavaj ab tym, što nieviadomy z dapamohaj addalenaha dostupu zabłakavaŭ apieracyjnuju sistemu jaho mabilnika. Padčas rasśledavańnia śledčym udałosia vyśvietlić asobu padazravanaha, a taksama inšyja supraćpraŭnyja schiemy.
Jak było vyjaŭlena, padazravany z 2014 hoda pa lipień 2015 hoda raźmiaściŭ u internecie bolš za 35 abjavaŭ ab vydačy kredytaŭ i pazyk z ukazańniem roznych adrasoŭ elektronnaj pošty. U chodzie pierapiski z patencyjalnymi klijentami jon ich pierakonvaŭ «časova» dać jamu dostup da svaich elektronnych kišeniaŭ, paśla čaho mianiaŭ rekvizity dostupu da ich. Takim čynam, padśledny zavałodaŭ bolš za 20 kašalkami roznych apłatnych sistem.
«Pry hetym častka vykradzienych kašalkoŭ pierapradavałasia dla praviadzieńnia nielehalnych apieracyj. Tak, adzin ź ich vykarystoŭvaŭsia dla atrymańnia i vyvadu hrašovych srodkaŭ za psichatropnyja preparaty, jakija raspaŭsiudžvajucca z dapamohaj «zakładak». Tolki za maj-lipień 2015 hoda z vykarystańniem dadzienaha kašalka ažyćcioŭlena zvyš za tysiaču apieracyj z abarotam u pamiery bolš za 300 miljonaŭ rubloŭ», — paviedamili ŭ abłasnym upraŭleńni Śledčaha kamiteta.
Taksama padazravany pad vydumanaj padstavaj supravadžeńnia techničnych apieracyj prasiŭ pieravieści jamu hrošy. Vyjaŭlena 5 padobnych faktaŭ ašukanskich dziejańniaŭ na sumu ad 670 000 da 3 młn biełaruskich rubloŭ.
Akramia taho, mužčyna nie hrebavaŭ papularnym sietkavym razvodam — błakavańniem kampjutaraŭ za prahlad i kapiravańnie parnahrafičnych materyjałaŭ. Dostup nibyta abmiažoŭvaŭsia Ministerstvam unutranych spraŭ, i za adnaŭleńnie pracy nieabchodna było pieraličyć «štraf» na elektronny kašalok. Z kastryčnika 2014 hoda pa kastryčnik 2015 hoda padazravany takim čynam atrymaŭ zvyš za 350 hrašovych pastupleńniaŭ na ahulnuju sumu kala 97 miljonaŭ rubloŭ.
«Padśledny vałodaje šyrokimi viedami ŭ śfiery kampjutarnych technałohij i pradprymaŭ šerah mier pa niedapuščeńni jaho vykryvańnia. Tak, pry ažyćciaŭleńni złačynnaj dziejnaści jon vykarystaŭ roznyja prahramnyja pradukty, u tym liku kiravańnie addalenym pracoŭnym stałom, jaki dazvalaŭ ažyćciaŭlać jamu vychad u internet pad schavanym IP-adrasam. Dla aktyvacyi elektronnych kašalkoŭ i ažyćciaŭleńnia kiravańnia imi mužčyna vykarystaŭ sim-karty apierataraŭ mabilnaj suviazi Rasijskaj Fiederacyi i Respubliki Biełaruś z abanienckimi numarami, zarehistravanymi na «padstaŭnych» asob. Taksama pry ažyćciaŭleńni pierapiski z paciarpiełymi toj vykarystaŭ vydumanyja dadzienyja», — dadali ŭ abłasnym upraŭleńni SK.
Padazravanaha zatrymali 19 studzienia ŭ Salihorsku. Na minułym tydni paciarpiełymi pryznanyja jašče 5 žycharoŭ Bresckaj, Viciebskaj, Homielskaj, Hrodzienskaj i Minskaj abłaściej.
U dačynieńni da zatrymanaha raspačataja kryminalnaja sprava pa č. 2 art. 209 (Machlarstva, ździejśnienaje paŭtorna) i č. 2 art. 349 (Niesankcyjanavany dostup da kampjutarnaj infarmacyi, vykanany z karyślivaj zacikaŭlenaści), č.1 art. 354 (Naŭmysnaje błakavańnie kampjutarnaj infarmacyi), č.1 art. 354 (Uniasieńnie źmianieńniaŭ u kampjutarnyja prahramy z metaj niesankcyjanavanaha błakavańnia infarmacyi i śviadomaje vykarystańnie śpiecyjalnych virusnych prahram) KK.
Kamientary