Śledčyja nie zmahli ŭstanavić asob, jakija pry zatrymańni złamali skivicu «hraficistu» Kasinieravu
Adzin ź fihurantaŭ pa «spravie hraficistaŭ» Viačasłaŭ Kasinieraŭ, jaki damahaŭsia pryciahnieńnia da kryminalnaj adkaznaści asob, jakija mocna źbili jaho pry zatrymańni 11 žniŭnia minułaha hoda, atrymaŭ niesuciašalny adkaz z Maskoŭskaha rajonnaha adździeła Śledčaha kamiteta horada Minska ab prypynieńni papiaredniaha śledstva.
Śledčaja A. Mielnikava paviedamiła: «Kryminalnaja sprava prypynienaja 14 sakavika ŭ suviazi ź nieŭstanaŭleńniem asoby, jakaja padlahaje pryciahnieńniu ŭ jakaści abvinavačanaha».
Takoje rašeńnie śledčych nie źjaviłasia dla Kasinierava niečakanaściu. Kali 11 studzienia maładoha čałavieka zaprasili da ŭdziełu ŭ praviadzieńni apaznańnia i vočnaj staŭki jak paciarpiełaha, śledčaja Mielnikava paviedamiła Viačasłavu, što płanuje spynić spravu. Maŭlaŭ, nie ŭdałosia apaznać siarod supracoŭnikaŭ śpiecyjalnaha atrada chutkaha reahavańnia ŭnutrannych vojskaŭ MUS Biełarusi taho, chto złamaŭ junaku skivicu.
***
Nahadajem, 11 žniŭnia piaciora chłopcaŭ byli žorstka zatrymanyja pa padazreńni va ŭdziele pa troch kryminalnych spravach: naniasieńniu biełaruska-moŭnych hrafici «Biełaruś maje być biełaruskaj» i «Revalucyja śviadomaści, jana ŭžo idzie…», a taksama zapeckvańniu farbaj sacyjalnaha bihborda z vyjavami supracoŭnikaŭ milicyi. Śledčy kamitet pradjaviŭ abvinavačvańni Maksimu Piakarskamu, Viačasłavu Kasinieravu i Vadzimu Žaromskamu pa č. 2 art. 339 «Chulihanstva, ździejśnienaje hrupaj asobaŭ».
29 studzienia sudździa Frunzienskaha rajona Ała Skuratovič pierakvalifikavała abvinavačvańnie pa epizodzie z psavańniem baniera z artykuła 339 Kryminalnaha kodeksa na art. 341 (psavańnie majomaści) i vyniesła prysud: usim pryznačanyja štrafy: Piakarskamu — 40, Kasinieravu — 30, Žaromskamu — 50 bazavych vieličyń. Hety prysud u Minharsudzie abskardzić nie ŭdałosia.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary