Da 2011 hoda mienskija pradpryjemstvy treciaj klasy niebiaśpieki buduć vyniesienyja za miažu horadu.
Pavodle jaho słoŭ, u pierśpiektyvie płanujecca taksama vynieści za miažu horada pramysłovyja ab\jekty čaćviortaha kłasa niebiaśpieki. Takija pradpryjemstvy značna ŭpłyvajuć na stan atmaśfiernaha pavietra. Pramysłovych ab\jektaŭ pieršaha i druhoha kłasaŭ niebiaśpieki ŭ Minsku niama. Da ich adnosiacca, naprykład, pradpryjemstvy pa spalvańni jadachimikataŭ i naftapierapracoŭcy. A.Baravikoŭ zaznačyŭ, što jašče adnym sposabam rezkaha źnižeńnia vykidaŭ pramysłovych pradpryjemstvaŭ moža stać ich sur\joznaje pieraŭzbrajeńnie, dla jakoha nieabchodny značnyja inviestycyi.
Śpiecyjalisty raźličvajuć, što pryniatyja miery dazvolać źnizić vykidy zabrudnialnych rečyvaŭ da 2010-2015 hoda na 7—8 tys. ton u hod.
Razam z tym, pavodle słoŭ A.Baravikova, ciapier situacyja z vykidami stacyjanarnych krynic u stalicy stabilnaja. Niahledziačy na rost vytvorčaści, u apošnija hady abjom vykidaŭ zachoŭvajecca na adnym uzroŭni — pryblizna 35 tys. ton. U paraŭnańni z pakazčykami 1990 hoda vykidy źnizilisia prykładna na 65 tys. ton.
"Heta ŭniosak haradskich słužb i pryrodakarystalnikaŭ, vynik ukaranieńnia pryrodaachoŭnych mierapryjemstvaŭ na zavodach ź ciepłaenierhietykaj, sielskahaspadarčym mašynabudavańniem", — ličyć śpiecyjalist.
Miž tym, zaznačyŭ A.Baravikoŭ, tolki 15% usich vykidaŭ zabrudnialnych rečyvaŭ prypadaje na stacyjanarnyja krynicy, 85% — na aŭtatranspart. Pavodle słoŭ śpiecyjalista, kolkaść aŭtamabilaŭ u Minsku budzie raści, ale jak stanoŭčuju tendencyju možna adznačyć pavieličeńnie doli ŭładalnikaŭ novych, bolš biaśpiečnych dla ekałohii aŭtamabilaŭ, a taksama spažyŭcoŭ jakasnaha bienzinu. Siońnia najbolš prablemnymi ŭčastkami darožnaj sietki źjaŭlajucca praśpiekt Dziaržynskaha i Partyzanski praśpiekt. U najbližejšyja hady płanujecca ich rekanstrukcyja.
A.Baravikoŭ śćviardžaje, što ŭ cełym zabrudžvańnie atmaśfiery ŭ Minsku niaznačnaje, kali paraŭnoŭvać ź situacyjaj u pramysłovych haradach Rasii i zachodnich krain. Samaje niespryjalnaje stanovišča — u rajonie vulicy Cimirazieva z-za vykidaŭ zavoda aciaplalnaha abstalavańnia i vialikaj kolkaści transpartnych srodkaŭ.
Ciapier čytajuć
Siarhiej Cichanoŭski pierabraŭsia žyć u Łos-Andželes54
Kamientary