Alaksandr Łukašenka na nastupnym tydni maje namier padpisać dakumienty, jakija tyčacca ŭdaskanaleńnia ŭ krainie piensijnaj sistemy.
Pra heta jon zajaviŭ siońnia na naradzie, pryśviečanaj abmierkavańniu hetaj temy.
«Siońnia my pavinny vyjści na vyrašeńnie hetaj prablemy, kab, jak i pa ŽKP, tak i pa hetym pytańni, pastavić kropku, i na budučym tydni prezident padpisaŭ adpaviednyja dakumienty, pryniaŭšy rašeńnie pa hetych pytańniach», — skazaŭ kiraŭnik dziaržavy.
Vyrašeńnie pytańnia ŭdaskanaleńnia piensijnaj sistemy nielha zvodzić tolki da piensijnaha ŭzrostu, skazaŭ jon
«Heta važnaje pytańnie, jano siońnia na słychu, ale heta nie ŭsia piensijnaja sistema. Akramia piensijnaha ŭzrostu jak minimum jość jašče prablema ŭdaskanaleńnia samoj piensijnaj sistemy, to bok farmiravańnia piensijnaha fondu i, skažam prosta, u vyniku — pamieru piensii», — skazaŭ kiraŭnik dziaržavy.
Kamientary